"Barselona" futbol klubi rasmiy sayti orqali darvozabon Mark-Andre ter Shtegen vaqtincha sardorlik bog‘ichidan mahrum etilgani haqida ma’lumot berdi. Bu haqida Euro-football.ru xabar berdi.
Klub bu qarorni intizomiy tekshiruvdan so‘ng qabul qilgan. Klub rahbariyati vaqtincha sardor sifatida himoyachi Ronald Arauho nomini e’lon qildi.
Avvalroq Mark-Andre ter Shtegen bel sohasidagi muammolari sababli jarrohlik amaliyotini boshdan kechirgan edi. Shundan so‘ng, u tibbiy xulosani imzolashdan bosh tortdi.
Klub esa ushbu hujjatni Ispaniya La Ligasi rahbariyatiga yuborib, ter Shtegenning jarohatini uzoq muddatli deb tan olish va boshqa futbolchini ro‘yxatdan o‘tkazishni osonlashtirishni rejalashtirgan edi. Bunday vaziyatda, klub ichida tartib-intizom masalalariga alohida e’tibor qaratilmoqda.
"Barselona" rahbariyati futbolchilarning har bir harakatini diqqat bilan kuzatib boradi va zarur hollarda qat’iy choralar ko‘radi. Bu qaror jamoa ichidagi tartibni saqlash va kelgusida shunday holatlarning oldini olishga qaratilgan.
Klub uchun har bir futbolchining intizomli va mas’uliyatli bo‘lishi muhim sanaladi.
