Yangi Angliya Premyer-ligasi mavsumi boshlanishiga bir haftadan kam vaqt qoldi. Bu haqida Euro-football.ru xabar berdi.
Opta tashkiloti chempionatdagi 20 ta jamoaning dastlabki besh turdagi o‘yinlarini tahlil qilib, eng oson va eng murakkab taqvimga ega jamoalarni aniqladi. Tahlil natijalariga ko‘ra, eng murakkab taqvim “Manchester Yunayted”, “Bornmut” va “Arsenal” jamoalariga to‘g‘ri kelgan.
Jumladan, “Manchester Yunayted” mavsumni “Arsenal”, “Fulhem”, “Bernli”, “Manchester Siti” va “Chelsi”ga qarshi o‘yinlar bilan boshlaydi. Opta Power Rankings bahosiga ko‘ra, bu eng qiyin taqvim hisoblanadi.
“Arsenal” esa birinchi turda “Manchester Yunayted”ga qarshi maydonga tushadi. Shundan so‘ng, “kanonirlar” “Old Trafford” safaridan keyin “Lids”, Angliya chempioni “Liverpul”, “Nottingem Forest” va “Manchester Siti” bilan kuch sinashadi.
Eng yengil taqvim esa Londonning “Kristal Pelas”, “Chelsi” va “Aston Villa” jamoalariga nasib etgan. Bu jamoalar dastlabki besh turda nisbatan kuchsiz raqiblarga qarshi o‘ynaydi.
Shu tariqa, yangi mavsumda ba’zi jamoalar uchun start murakkab bo‘lsa, boshqalari uchun qulayroq kechishi kutilmoqda.
