Moskvaning “Lokomotiv” klubi sobiq prezidenti Nikolay Naumov “Spartak” jamoasi bosh murabbiyi Deyan Stankovichning futbolchilarga salbiy ta’siri haqida fikr bildirdi. Bu haqida Euro-football.ru xabar berdi.
Uning aytishicha, bosh murabbiy o‘zini o‘zgartirish niyatida emas va ortiqcha hissiyotga berilishi jamoaga zarar yetkazmoqda. Naumovning so‘zlariga ko‘ra, Stankovich futbolchilarda asabiylikni kuchaytirmoqda.
U kuchli murabbiy bo‘lsa-da, fe’l-atvori masalasida muammolar bor. Ma’lumot uchun, “Spartak” Stankovich boshchiligida Rossiya chempionatining dastlabki to‘rt turida atigi to‘rt ochko jamg‘ardi.
Ikkinchi turdan so‘ng, “Spartak” “Baltika” klubiga yirik hisobda mag‘lub bo‘ldi va shu bahsda ikki nafar futbolchisi maydondan chetlatildi. O‘sha uchrashuvdan keyin Stankovich charchaganini tan olgan edi.
Mutaxassisning jamoa ichidagi hissiyoti va harakatlari futbolchilarning o‘yiniga salbiy ta’sir ko‘rsatmoqda. Shu bois, jamoa natijalari ham kutilgan darajada emas.
Naumovning fikricha, murabbiy o‘z ustida ishlashi va jamoa muvozanatini saqlashi lozim.
