“Dinamo” TikTok’da Dzyubaga nisbatan video joylamaganini aytdi
Maxachqal’a shahrining “Dinamo” futbol klubi TikTok ijtimoiy tarmog‘ida o‘zining rasmiy sahifasiga ega emas va ilgari ham hech qachon bo‘lmagan. Bu haqida Euro-football.ru xabar berdi.
Bu haqda klub matbuot xizmati ayrim manbalarda tarqalgan noto‘g‘ri ma’lumotlarga izoh berdi. Avvalroq ba’zi axborot vositalarida “Dinamo” matbuot xizmati TikTok tarmog‘ida Artyom Dzyuba nomiga haqoratli video joylagani haqida xabarlar tarqalgan edi.
Klub vakillari bu ma’lumotlarni rad etdi va jurnalistlarga bunday xabarlarni e’lon qilishdan oldin ularni sinchiklab tekshirishni tavsiya qildi. “Akron” klubi bilan yaxshi munosabatdamiz, Artyom Dzyubaga ham hurmat bilan qaraymiz, dedi “Dinamo” klubi rivojlantirish va jamoatchilik bilan aloqalar bo‘yicha direktori Sergey Rasulov.
U, shuningdek, Dzyubani Rossiya futbolining yirik o‘yinchilaridan biri deb atadi va klub hech qachon unga nisbatan bunday nojo‘ya harakatlarga yo‘l qo‘ymasligini ta’kidladi. Eslatib o‘tamiz, 13 avgust kuni Maxachqal’a “Dinamo”si safarda Rossiya Kubogi doirasida Moskvaning “Spartak” jamoasini mag‘lub etdi.
