«Liverpul» hujumchisi Muhammad Salah Premer-liganing birinchi turida «Bornmut»ga qarshi o‘tkazilgan juma kungi o‘yinda gol urdi. Bu haqida Euro-football.ru xabar berdi.
U 94-daqiqada maydonga so‘nggi nuqtani qo‘ydi. 33 yoshli futbolchining «qizillar» safidagi jami samarali harakatlari 271 taga yetdi, shundan 185 tasi gol va 86 tasi golli uzatma hisoblanadi.
Squawka ma’lumotlariga ko‘ra, Salah Angliya Premer-ligasining barcha davrlaridagi eng yaxshi o‘yinchilar reytingida bitta klub uchun urilgan gollar va golli uzatmalar bo‘yicha ikkinchi o‘ringa ko‘tarildi. U «Manchester Yunayted»ning sobiq yarim himoyachisi Rayan Giggs bilan tenglashdi.
Reytingda birinchi o‘rinda 276 golga bevosita ta’sir qilgan Ueyn Runi turadi. Tez orada Muhammad Salah «qizil iblislar»ning ikkala afsonasidan ham o‘tib ketishi kutilmoqda.
