Angliya futbolida “to‘pchilar” nomi bilan tanilgan “Arsenal” klubining sobiq bosh murabbiyi, fransiyalik mashhur mutaxassis Arsen Venger jamoaning Yevropa Chempionlar ligasi yarim finalida PSJga yutqazib, finalga chiqa olmagani borasida fikr bildirdi.
Venger o‘z bayonotida ikki o‘yinni tahlil qilib, “Arsenal”ning raqibga nisbatan kamroq faoliyat olib borganini, hujumda yetarlicha tahdid tug‘dira olmaganini ta’kidladi.
“Umumiy hisobda, PSJ ikki o‘yinda ham ustunlik qildi deyish mumkin. Ularda ko‘proq imkoniyatlar bor edi, Arsenal esa jiddiy xavf tug‘dira olmadi”, — dedi Venger.
Tajriba va bosim ta’siri
Arsen Venger, jamoaning texnik salohiyati va yosh tarkibi bor yo‘g‘i finaldek katta bosimli o‘yinlarga yetarlicha tayyor bo‘lmaganini ham ta’kidladi. Uning fikricha, bunday bosqichlarda tajriba va psixologik barqarorlik hal qiluvchi omil bo‘ladi.
“Quyi bosqichlarda yuqori darajada o‘ynagan jamoa finalga yaqinlashgan sari bosim ostida o‘zini yo‘qotmasligi kerak. Bu yerda tajriba, huddi PSJdagi kabi, katta farq keltirdi,” — dedi murabbiy.
PSJ — mo‘ljalga olingan titul sari
Vengerning so‘zlariga ko‘ra, Parij klubi butun mavsum davomida Yevropa chempioni bo‘lishga jiddiy tayyorgarlik ko‘rgan va taktik jihatdan har bir o‘yinda maqsadga yo‘naltirilgan harakatlar bilan faoliyat yuritgan.
Zamin.uz tahririyati Vengerning bayonotini “Arsenal”ning kelajakdagi yo‘nalishlarini tanlashda muhim ishora deb baholaydi. Ta’rifga loyiq mavsum o‘tkazganiga qaramay, “to‘pchilar” uchun endigi vazifa — xulosalar chiqarish va yangi mavsumda yanada tayyor, tajribali va g‘oliblikka och futbol jamoasi sifatida maydonga qaytishdan iborat.
