O‘zbek bokschilari Varshavani "yondirmoqda": 6 nafar sportchimiz final yo‘llanmasi uchun jang qiladi
Polsha poytaxti Varshava shahrida o‘tkazilayotgan boks bo‘yicha Jahon kubogida O‘zbekiston terma jamoasi navbatdagi muvaffaqiyatli kunni ortda qoldirdi. Janglarda ishtirok etgan barcha hamyurtimiz o‘z raqiblarini kurash maydonida mahorat bilan mag‘lub etib, xalqimiz uchun yana bir g‘ururli natija taqdim etdi.
Eng muhim voqealardan biri — Olimpiya chempioni Asadxo‘ja Mo‘ydinxo‘jayevning jangidir. U germaniyalik Osanou Xansenni 1-raundning o‘zida texnik nokaut bilan yengib, boks sahnasini titratdi. Bu jang nafaqat muxlislar, balki mutaxassislar tomonidan ham alohida e’tirof etildi.
Quyida terma jamoamiz bokschilarining kechagi natijalari:
-55 kg: Mirazizbek Mirzahalilov – Kori Jons (Uels) — 5:0
-65 kg: Asadxo‘ja Mo‘ydinxo‘jayev – Osanou Xansen (Germaniya) — 1-raund, Texnik nokaut
-75 kg: Fazliddin Erkinboyev – Kau Belini (Braziliya) — 5:0
-80 kg: Javohir Ummataliyev – Uilyam Cholov (Bolgariya) — 5:0
-85 kg: Akmaljon Isroilov – Samet Ersoy (Turkiya) — 5:0
Mazkur g‘alabalar orqali 6 nafar sportchimiz yarim final yo‘llanmasini qo‘lga kiritdi va bugun hal qiluvchi janglarda g‘alaba uchun ringga ko‘tariladi.
Bugungi yarim final juftliklari quyidagicha:
-55 kg: Mirazizbek Mirzahalilov – Lunda Gantumur (Mo‘g‘iliston)
-65 kg: Asadxo‘ja Mo‘ydinxo‘jayev – Mishelt Battumur (Mo‘g‘iliston)
-57 kg: Xumorabonu Mamajonova – Esra Yildiz (Turkiya)
-60 kg: Samandar Olimov – Mikele Baldassi (Italiya)
-70 kg: G‘ofurjon Tohirov – Sezariy Znames (Polsha)
-75 kg: Fazliddin Erkinboyev – Kayl Shov-Tullin (Angliya)
O‘zbek bokschilari bugun yana oltin yo‘lida muhim qadam tashlash arafasida. Bizning sportchilarni har bir raqib jiddiy sinov kutayotgan bo‘lsa-da, ularning tayyorgarligi va kuchli irodasi finalga yo‘l olish ehtimolini kuchaytirmoqda.
Zamin.uz tahririyati Jahon kubogidagi barcha uchrashuvlarni diqqat bilan kuzatib boryapti va sizni eng so‘nggi yangiliklardan xabardor etishda davom etadi. Siz kimdan final yo‘llanmasini kutyapsiz?
