«Barselona» prezidenti Joan Laporta hamda klubning sobiq bosh murabbiylari Luis Enrike va Ernesto Valverde RFEF hakamlar texnik qo‘mitasi sobiq vitse-prezidenti Xose Negreyraga noqonuniy to‘lovlar amalga oshirilgani bo‘yicha tergov doirasida guvoh sifatida so‘roqqa chaqiriladi. Bu haqida Euro-football.ru xabar berdi.
Bu haqda COPE xabar berdi. Manba ma’lumotiga ko‘ra, Laporta hamda sobiq murabbiylarni chaqirishga sudya Alehandra Xil qaror qilgan.
Prokuratura ularning ko‘rsatmalari klub va Negreyraning ehtimoliy aloqalari tafsilotlarini aniqlashda muhim ahamiyatga ega deb hisoblamoqda. Majlis sanasi keyinchalik belgilanadi. Avvalroq tergov doirasida «Barselona»ning sobiq prezidentlari Sandro Rosel va Zozep Mariya Bartomeu ham guvoh sifatida so‘roq qilingan, ular hozirda ayblanuvchi sifatida ishtirok etmoqda.
Tergovga ko‘ra, 2001 yildan 2018 yilgacha bo‘lgan davrda Negreyra klubdan taxminan 7,5 million yevro miqdorida maslahat xizmatlari uchun to‘lov olgan. 2024 yil may oyida sud poraxo‘rlik bo‘yicha ayblovlarni vaqtincha bekor qilgan bo‘lsa-da, tergov jarayoni davom etmoqda.
Ushbu ishda barcha tomonlarning so‘zlari va faktlar batafsil o‘rganilmoqda. Tergov yakuniga yetguncha jarayon nazorat ostida qoladi.
