Marokkanlik yarim himoyachi Ayman Murid Rossiya futbolida faoliyatini davom ettiradi. Bu haqida Euro-football.ru xabar berdi.
25 yoshli futbolchi yangi jamoasi sifatida Kaliningradning "Baltika" klubini tanladi. Bu haqda Premer-liga yangi ishtirokchisining matbuot xizmati ma’lumot berdi. Tomonlar o‘rtasida 2029 yil o‘rtalarigacha amal qiladigan uzoq muddatli mehnat shartnomasi tuzildi.
Rossiya chempionatiga ko‘chishdan oldin Murid Marokkaning "Union Touarga" klubida o‘ynagan. Eslatib o‘tamiz, "Baltika" joriy mavsumda Melbet Birinchi liga g‘olibi bo‘ldi. Kaliningrad jamoasi bevosita Premer-ligaga yo‘l oldi.
Elita divizionining yangi mavsumi 18 iyul kuni boshlanadi. Muridning yangi jamoasida o‘zaro hamkorlikda muvaffaqiyatga erishishi kutilmoqda.
