Moskvadagi “Torpedo” futbol klubining hujumchi yarim himoyachisi Eison Gusman ta’tildan so‘ng Rossiyaga qaytishni istamayapti. Bu haqida Euro-football.ru xabar berdi.
Legalbet ma’lumotlariga ko‘ra, 27 yoshli kolumbiyalik futbolchi hozirda vatanda bo‘lib, klub bilan bog‘lanmayapti. Bundan tashqari, u ijtimoiy tarmoqlardagi profilidan “Torpedo”ga oid ma’lumotlarni olib tashlagan.
Gusman joriy yil yanvar oyida “Torpedo” bilan shartnoma imzolagan. Futbolchining transferi klub tarixidagi eng qimmat bitim bo‘lib, xarid uchun 1,8 million yevro sarflangan.
“Torpeod” safida Gusman 11 ta o‘yinda maydonga tushib, beshta gol urgan va bir nafaqat golga uzatma bergan. Uning klubdagi faoliyati ayni paytda noaniq bo‘lib, Rossiyaga qaytmaslik qarori klub uchun muhim muammo sifatida qolmoqda.
Futbolchining kelajagi haqida yangi ma’lumotlar yaqin kunlarda e’lon qilinishi kutilmoqda.
