Hujumchi yarim himoyachi Muhammad Qudus Londondagi bir klubdan boshqasiga o‘tdi. Bu haqida Euro-football.ru xabar berdi.
U "Vest Hem" jamoasidan "Tottenxem"ga ko‘chdi. The Athletic va nemis Sky nashrlarining xabar berishicha, klublar o‘rtasida transfer bo‘yicha 55 million funt sterlingga (taxminan 64 million yevro) kelishuvga erishildi.
24 yoshli futbolchi payshanba kuni tibbiy ko‘rikdan o‘tadi. Agar muammolar aniqlanmasa, Qudus "Tottenxem" bilan keyingi olti mavsumga, ya’ni 2031 yil o‘rtalarigacha amaldagi shartnoma imzolaydi.
Eslatib o‘tamiz, o'tgan mavsum Angliya Premer Ligasi musobaqasida "Tottenxem" faqat 17-o‘rinni egallagan edi. Shunga qaramay, jamoa Yevropa Ligasi chempioni bo‘lib, shu orqali Chempionlar Ligasi musobaqasiga yo‘l oldi.
Bu yutuq klub uchun muhim natija bo‘ldi va kelajakdagi muvaffaqiyatlar uchun asos yaratdi.
