Mashhur fransuz sobiq futbolchisi Blez Matuidi hujumchi Randal Kolo-Muani haqida fikr bildirdi. Bu haqida Euro-football.ru xabar berdi.
Hozirda «Yuventus» 26 yoshli hujumchini «PSJ» dan ijaraga olgan. Ushbu shartnoma yakunlanish arafasida bo‘lsa-da, Turin klubi futbolchini o‘z tarkibida saqlab qolishni istamoqda.
Matuidining so‘zlariga ko‘ra, Kolo-Muani «Yuventus»da qolishi kerak, chunki u doimiy ravishda rivojlanayotgan jamoada o‘ynamoqda. U futbolchi yangi g‘alabalarga erishishda yordam beradi deb umid qilmoqda.
Shuningdek, Randal hujumda Jonatan Devid bilan yaxshi juftlik hosil qilishi mumkin. Ma’lumotlarga ko‘ra, «Yuventus» Kolo-Muanini yana bir yilga ijara asosida ushlab qolishni xohlamoqda.
Biroq, «PSJ» faqat to‘g‘ridan-to‘g‘ri sotuvga qiziqish bildirgan. Shu bois tomonlar o‘rtasida kelishuvlar davom etmoqda.
Futbolchining kelajagi bo‘yicha qaror tez orada qabul qilinishi kutilmoqda.
