Neftchi - so'nggi yangiliklar

Sobiq «Zenit» jamoasi hujumchisi Ramil Sheydaev Ozarbayjonning «Qarabagʻ» klubiga o‘tdi. Bu haqda Euro-football.ru xabar berdi. Klub va futbolchi o‘rtasidagi shartnoma 2025/2026 yilgi mavsum oxirigacha mo‘ljallangan. Hujumchi «Qarabagʻ»ga erkin agent sifatida, bepul kelib qo‘shildi, deb xabar bermoqda klub matbuot xizmati. 2024/2025 yilgi mavsumda Sheydaev «Neftchi» jamoasi sharafini himoya qilgan. U Ozarbayjon chempionati va kubogida jami 31 o‘yinda maydonga tushib, to‘rtta gol urdi va ikki golga uzatma berdi. 29 yoshli hujumchining bozor qiymati 800 ming yevroga teng. U Sankt-Peterburgning «Zenit» klubida tarbiyalangan futbolchidir. Shuningdek, «Qarabagʻ» joriy mavsumda Chempionlar Ligasi asosiy turnirida ishtirok etmoqda. Jamoa musobaqaning birinchi o‘yinida Lissabonning «Benfika» klubini 3:2 hisobida mag‘lub etdi. Ushbu mag‘lubiyat «Benfika» bosh murabbiyi Bruno Lajening ishdan ketishiga sabab bo‘ldi va uning o‘rniga Joze Mourinyo tayinlandi. Biroq Sheydaevni asosiy Yevropa musobaqasida faqat qishki transfer oynasida ro‘yxatga olish mumkin, chunki ariza berish muddati 2 sentyabrda tugagan. Shunday qilib, u faqat «Qarabagʻ» pley-off bosqichiga chiqsa, Chempionlar Ligasi o‘yinlarida qatnashadi.

Superliganing 12-turidan o‘rin olgan "Surxon" — "Neftchi" (0:0) uchrashuvidan so‘ng farg‘onaliklar ustozi Vitaliy Levchenko matbuot anjumanida jamoasi o‘yiniga baho berdi. — Bunday o‘yinlarda g‘alaba qozonish uchun, avvalo, gol urish kerak. Birinchi bo‘limda ikki marta aniq imkoniyat yaratdik. Agar shu vaziyatlardan foydalanganimizda, natija butunlay boshqacha bo‘lardi. Yigitlar harakatidan norozilik yo‘q, barchasi harakat qildi. Ammo futbolda faqat ishtiyoq yetarli emas, mahorat ham kerak. Tabloda qayd etilgan hisob barchasini aytmoqda, — dedi murabbiy. Muxlislar e’tirozlari va hujum chizig‘i tanlovi Matbuot anjumani davomida Levchenkodan uchrashuv yakunlanganidan so‘ng muxlislar tomonidan bildirilgan norozilik haqida ham so‘raldi: — To‘g‘risi, vaziyatning o‘ziga guvoh bo‘lmadim. Ammo buni albatta ko‘rib chiqamiz. Agar muxlislarda qandaydir norozilik bo‘lgan bo‘lsa, ular bilan muloqot qilamiz. Jamoa g‘alaba uchun maydonga tushgandi, ammo gol urilmadi — muxlisni tushunish mumkin. Marushich yoki Tabatadze? Hujumda kim samarali bo‘ldi? — Siz nega Marushichni to‘liq hujumchi deb hisoblamaysiz? U ham markaziy hujumchi sifatida harakat qildi. Albatta, Tabatadze o‘yin oxirida maydonga tushib, jismoniy ustunlik hisobiga yaxshiroq ko‘rinish bergan bo‘lishi mumkin. Himoyachilar esa ikki taym davomida charchagandi. Ammo fakt shuki, hech qaysi hujumchimiz gol ura olmadi. Bu eng katta muammodir. Beg‘amov nega ketdi? — Shahboz Beg‘amov masalasi rahbariyat qaroridir. Bu borada men hech narsa deyolmayman, — dedi murabbiy qisqa qilib. Farg‘onaliklar mavsumni yaxshi boshlagan bo‘lsa-da, keyingi turlarda muvaffaqiyatsizliklar ko‘paymoqda. Murabbiy fikricha, jamoa yaxshi harakat qilmoqda, lekin natija uchun mahorat va salohiyat yetishmayapti. Kelasi turlarda bu holat o‘zgarishi kerak, aks holda "Neftchi" yuqori pog‘onalar uchun kurashdan ortda qolishi mumkin.

Farg‘onaning futbol sharafini himoya qiladigan “Neftchi” klubida muhim rahbarlik o‘zgarishi ro‘y berdi. Championat.asia sayti tarqatgan ma’lumotlarga ko‘ra, klub bosh menejeri Ja’far Irismetov hamda sport direktori Shahboz Beg‘amov o‘z lavozimlaridan ketishga qaror qilishgan. Mazkur ikki rahbar joriy mavsumning boshlanishidan oldin “Neftchi”da faoliyat boshlagan edi. Ularning rahbarligi ostida jamoa mavsumda yaxshi start oldi va hozirgi kunda O‘zbekiston Superligasi turnir jadvalida 19 ochko bilan beshinchi pog‘onani egallab turibdi. Hozircha klub rahbariyati ularning iste’fosi sababini rasman bayon etmagan. Ammo futbol doirasidagi kuzatuvchilarning fikriga ko‘ra, bu qaror jamoa ichki ishlaridagi strategik o‘zgarishlar yoki kelgusi rejalarni qayta ko‘rib chiqish bilan bog‘liq bo‘lishi mumkin. Ja’far Irismetov va Shahboz Beg‘amovning “Neftchi”dagi faoliyati jamoaning sport natijalari va tashkiliy ishlariga salmoqli ta’sir ko‘rsatgan. Ular klubning infratuzilmasi va o‘yin uslubini takomillashtirish bo‘yicha bir qator loyihalarni amalga oshirishga ulgurgan edilar. Ayni paytda “Neftchi” yangi rahbarlar tayinlanishi arafasida turibdi. Muxlislar esa klubning bugungi rivojini qaysi yo‘nalishda davom ettirishi bilan qiziqmoqda. Yangi rahbariyatning tayinlanishi jamoa oldidagi maqsadlar va transfer siyosatiga qanday ta’sir ko‘rsatishi esa yaqin kunlarda aniq bo‘ladi.

Superliga 10-turidan o‘rin olgan OKMK - "Neftchi" (2:2) bahsidan so‘ng mehmonlar bosh murabbiyi Vitaliy Levchenko matbuot anjumanida ishtirok etdi. "Yaxshi o‘yin bo‘ldi. Ikki jamoa ham bir-birini puxta o‘rganib chiqqan ekan. Birinchi bo‘limda raqib hujumchisiga ko‘p ochiq zonalarni taqdim etdik va shu sababli qiynaldik. Tanaffusda esa o‘zgarishga qo‘l urdik. Durang adolatli natija bo‘ldi deb o‘ylayman" - deya fikr bildirdi Vitaliy Levchenko bahs yakunlangach. - Jamoangiz gol o‘tkazib yubormagunga qadar ikkinchi raqam bo‘lib o‘ynayotgan edi. Faqatgina goldan so‘ng jonlanish bo‘ldi. "Neftchi" bugun Olmaliqqa bir ochkoni qo‘lga kiritish uchun kelganmidi? - Biz g‘alaba uchun kelgandik. Barcha jamoa g‘alaba qozonishni istaydi. OKMK jamoasining kuchli jihatlarini bartaraf etishga intildik. Joriy mavsumda bitta o‘yinda ochiq futbol o‘ynashga harakat qildik, biroq natija biz kutgandek bo‘lmagan edi. Tahlil qilib chiqamiz va bir xulosaga kelamiz. Biz raqibning kuchli taraflarini hisobga olgan holda o‘ynaymiz. Hujumkor futbol namoyish etganimizda OKMK futbolchilariga ochiq zonalarni taqdim etgan bo‘lardik. OKMK esa bo‘sh zonalar tufayli kambeklar qayd etib kelmoqda. Jangovar o‘yin guvohi bo‘ldik. - Jamshid Iskanderov so‘nggi uchrashuvlarda 60 daqiqa ham o‘ynamayapti. Bunga sabab uning jismoniy holatimi yoki bu sizning qaroringiz? - Biz o‘yin davomida qaysi futbolchilarni maydonga tushirib, o‘yin sifatini oshira olishimiz haqida o‘ylaymiz. Jamoada taxminan 20ta futbolchi bor va biz rotatsiya qilishga majburmiz. Kimdir o‘yinga qo‘shilib keta oladi, kimdir esa yo‘q. G‘iyosovning tezligi evaziga o‘yinni kuchaytira olardik va shu sababli shunday qarorga keldik. - "Neftchi" O‘zbekistondagi eng kuchli tarkibga ega, lekin shunga qaramay jamoangiz asosan himoyaga e’tibor qaratmoqda. O‘tgan mavsumda "Navbahor" ham shunday yulduzli tarkibga ega bo‘lgan edi va gol urishi bilan himoyaga yotib olish bilan band edi. Sizning jamoangiz ham shunday o‘ynamoqda. "Navbahor" ssenariysi takrorlanishidan qo‘rqmaysizmi? - "Real" yulduzli tarkibga egami? Tushuning, familiyalar futbol o‘ynamaydi, oddiy insonlar futbol o‘ynashadi. Qachondir men ham o‘z familiyamga va nomimga ega bo‘lganman, ammo hozir maydonga tushib o‘ynab bera olmayman. Futbolda talablar bor va ularni bajarish kerak. Jurnalistlar bizdan hujumkor o‘yin kutishadi. Biz faqat hujum qilib, 0:4 hisobida mag‘lub bo‘laylik-mi? Shunda sizlar, hujumkor va chiroyli futbol uchun maqtaysizlarmi? Futbol intellektual o‘yin. Masalan, shaxmat o‘ynaganingizda istaganingizcha yurish qilmaysiz-ku. Strategiya orqali o‘ynaysiz. Futbol ham shunday. Talablarga javob beradigan futbolchilar maydonga tushishadi. Yulduzli jamoalar har doim ham natijaga erishaverishmaydi. Sababi taktika, tartib va strategiya degan narsalar bor. - Agar futbolda nomlar rol o‘ynamasa, unda nega "Neftchi" tarkibi bunchalik kuchaytirildi? - Shunchalik savollaringiz ko‘p-mi? Men ushbu savollarga darhol javob bera olmayman. Barchasi uchun vaqt kerak. OKMK o‘z tarkibini necha yildan beri o‘ynatib kelmoqda. Tanaffusda jamoa tarkibini o‘zgartirsak, OKMKning o‘yini qiziqarli bo‘lishda davom etadimi? Menimcha, yo‘q. Bir guruh futbolchilarni xarid qilgandan so‘ng barchasi yaxshi bo‘lib ketadi deb o‘ylaysizlarmi? Har bir murabbiyning o‘z qarashlari bo‘ladi. Jamoa ham oddiy insonlardan iborat. Hech kim mashina emas. Qaysidir jamoada 70-80 metr ortga qaytish talab etilmaydi, boshqasida esa bunday talab bor. Farq shunda. - "Neftchi" mag‘lub bo‘layotganida Marushichning o‘rniga Tabatadzeni maydonga tushirdingiz. Mag‘lub bo‘layotgan jamoa nega ikkita hujumchi bilan o‘ynamadi? Jamoangiz bitta hujumchi bilan o‘ynashda davom etganining sababi nimada? - Biz ikki nafar hujumchi bilan o‘ynadik-ku. - Iskandarov hujumchi emas-ku. - U hujumchi vazifasini bajaradi. Siz "Barselona" hujumchisiz o‘ynaganini ko‘rganmisiz? Men sizga bir savol beray. Tabatadze va Marushich bir xil funksiyadagi o‘yinchilar. Ularni bir vaqtda maydonga tashlasak, kim ortga qaytadi. Bunday jarayonlarni tushunish uchun, jamoa ichida bo‘lish kerak. Bir futbolchi to‘pni qabul qiluvchi va kurashuvchan bo‘lishi kerak. Ikkinchisi esa himoyachilarni ortda qoldirishi va to‘pni qabul qilish uchun ochilishi talab etiladi.

Superliganing 9-turini boshlab bergan "Andijon" - "Neftchi" qarama-qarshiligidagi vodiy derbisida mehmonlarning qo‘li baland keldi. Ushbu tur doirasida "Andijon" o‘z uyida Vitaliy Levchenko boshchiligidagi "Neftchi"ni qabul qilib, 0:2 hisobida mag‘lub bo‘ldi. Uchrashuvning 11-daqiqasida Farrux Sayfiyev hisobni ochgan bo‘lsa, ikkinchi bo‘limning 60-daqiqasida Jamshid Iskanderov oradagi farqni 2 taga yetkazib, jamoasining g‘alabasini ta’minladi. Mazkur to‘qnashuvdan so‘ng "yo‘lbarslar" ochkolar sonini 15 taga yetkazib olib, "Bunyodkor" va "Dinamo" bilan tenglashib oldi. "Burgutlar" esa 9 ochko bilan turnir jadvalining 12-o‘rinida qoldi. Superliganing 9-turida Samarqandning "Dinamo" klubi o‘z uyida "Surxon"ni qabul qilib, 1:0 hisobida g‘alaba qozondi. Bellashuvning 21-daqiqasida Richard Fraydey tomonidan kiritilgan yagona gol o‘yin taqdirini hal qildi. Shu tariqa, "Dinamo" ochkolar sonini 18 taga yetkazib, 2-o‘ringacha ko‘tarildi. "Surxon" esa 10 ochko bilan 8-pog‘onada qoldi.

Superliganing 9-turida “Andijon”ga qarshi o‘yindan keyin “Neftchi” bosh murabbiyi Vitaliy Levchenko matbuot anjumanida qatnashdi. O‘yin haqida - Menimcha, o‘yin barcha uchun qiyin o‘tdi. Chunki ikkala jamoa ham vodiydan, shu sababli barcha 100 foiz kuchi bilan maydonga tushdi. O‘yin boshidan oxirigacha barcha - futbolchilar, murabbiylar shtabidan tortib, muxlislargacha bosim ostida bo‘lib turdi. shunday qiyin o‘yinda 3 ochko olganimizdan xursandman. - O‘tgan o‘yinlarga qaraganda bu safar ko‘proq rotatsiya kuzatildi. - Tarkibimizda kasal bo‘lib qolgan futbolchilar bor. Shuningdek, ayrim futbolchilarimizda shamollash belgilari yo‘qolmagan. Shuni hisobga olgan holda jamoa tarkibida kim sog‘lom holatda bo‘lib tursa, o‘sha maydonga tushyapti va jamoaga foyda keltirishga harakat qilyapti. Agarda barcha futbolchilar safga qaytadigan bo‘lsa, rotatsiyani sifatga qarab emas, kattaroq masshtabda amalga oshirishimiz mumkin. - So‘nggi paytlarda Toma Tabatadzega sermahsullik yetishmayapti. Uning gollar ura olmayotgani haqida nima deya olasiz? - Uning mushaklarida jarohati bor edi. U yaqindagina mashg‘ulotlarga qo‘shildi va to‘laqonli shug‘ullanishni boshladi. Unga o‘zining yuqori holatiga kelib olishi uchun vaqt beryapmiz. Toma tezroq o‘ziga kelib olishini istayman. O‘yinda unda vaziyatlar bo‘lyapti, barcha buni ko‘rib turibdi. Bulardan foydalanish va ikki taym o‘ynashga harakat qilish kerak. U jamoada raqobat kattaligini yaxshi biladi, shu sababli u keyingi o‘yinga 100 foiz tayyor bo‘lishiga harakat qilamiz. - “Andijon”ning hozirgi holati unchalik yaxshi emas. Raqibga qanday baho bera olasiz? - Tarkib yomon emas, sifatli futbolchilar ko‘p. Mavsum oldidan klub yaxshi ishlarni olib bordi deb o‘ylayman. Bizda ham ularda ham jamoa deyarli yangi va maydonda yana-da yaxshiroq o‘yin ko‘rsatib, barchani quvnatishimiz uchun ikkimizga ham vaqt kerak. Sovugan miyaga barchasini taxlil qilib chiqish kerak. Jamoada o‘yin bor. Shunchaki kichik detallarni yaxshilab olish kerak. “Andijon”ga navbatdagi o‘yinlarda omad va ushbu mavsum oldidan qo‘yilgan maqsadlarini bajarishda muvaffaqiyat tilab qolaman. - G‘alabani kimga bag‘ishlaysiz? - Barcha muxlislar ushbu g‘alabani istashgandi. Shu sababli ilk navbatda bu g‘alaba ularniki. Ikkinchidan esa maydonga tushib, muxlislar uchun o‘ynagan futbolchilar ruhiy rohat olishlari kerak. Bugun futbolchilar ham, murabbiylar ham, muxlislar ham rohat olishdi.

Superliganing 9-turi doirasida "Neftchi"ga qarshi o‘yindan keyin "Andijon" vaqtinchalik bosh murabbiyi Artyom Petrosyan matbuot anjumanida ishtirok etdi. O‘yin haqida - Muxlislar g‘alaba kutgan edi. O‘yinni juda zo‘r tashkil qiladigan jiddiy raqibga qarshi o‘ynadik. Raqibning birinchi va ikkinchi hududiga o‘ta oldik. Faqatgina hujumni yakunlashda muammolarga duch keldik. Raqib bizga imkoniyat bermadi va biz ham deyarli vaziyat yarata olmadik. Ikki vaziyatda biz raqibni qarshi hujumda ushladik, keyinchalik ular to‘p yo‘qotilgandan keyin bunday holat kuzatilishi mumkin deb, bu jihatda ham o‘ynashdi. Raqibni yana bir bor g‘alaba bilan tabriklayman. Ular adolatli g‘alabaga erishishdi va bizni to‘laqonli jazolashdi. - Jamoani o‘yinga bosh murabbiysiz tayyorlash Sizga qiyin bo‘ldimi? - Butun bir jamoaning ruhiy holati juda og‘ir darajada. Ketma-ket besh mag‘lubiyat, jamoaning bosh murabbiysiz qolishi. Jamoa o‘rtada uyg‘ongandek ko‘ringandi, biroq bu yetarlicha bo‘lmagan ekan. Menimcha bizga qiyin holatdan chiqib olish uchun vaqt yetmayapti. Hozir har 3-4 kunda o‘yin. Ketma-ket mag‘lubiyat, mag‘lubiyat, mag‘lubiyat - barcha futbolchilar ruhiy jarlikda. Bundan chiqib olish uchun 3-4 kun kamlik qiladi. - Bugungi uchrashuvda maydoni markazi deyarli boy berildi. Bu haqida fikringiz qanday? - "Neftchi"ning futbolchilar biznikilardan kuchlilik qildi. Biz faqatgina markazni emas, to‘p yo‘qotilgandan keyin barcha o‘z joyiga tushib olishi degan narsa bor, shu jihatni yo‘qotib qo‘ydik. Raqiblarning markazdagi futbolchilari biznikilardan tezroq. Raqib jarima maydonchasi va o‘z jarima maydonchamizda futbolchilarning mahorati farqlanib turibdi. Masalan biz raqib jarima maydonchasi ichiga kirolmagan bo‘lsak, raqiblar 3-4 vaziyatdan ikkita gol urishdi. Mana farq. - Bugungi urilgan gollarning ikkalasida ham Oleg Zoteyevning aybi bor. U jamoa sardori sifatida o‘ynamoqda. Mavsum boshidagi Oleg Zoteyevdan asar ham yo‘q. Uning o‘yini haqida nima deya olasiz? - Birinchi gol Oleg Zoteyevning qanotidan urilmadi. U to‘p uchun kurashdi va g‘olib bo‘ldi. Keyin to‘pni yo‘qotdik. Uzatma vaqtida o‘ng qanot himoyachimiz joyini yo‘qotib qo‘ydi, Sayfiyev gol urib ketdi. Ikkinchi golda Siz aytganingizdek, uning aybi bor. Zoteyev birga bir holatda yutqazdi. Nima ham deya olardim... Istalgan futbolchi xato qiladi. Birorta xato qilmaydigan futbolchi yo‘q. Barcha futbolchilar undan mamnun. Balki yosh o‘z ta’sirini o‘tkazayotgandir. Lekin Oleg o‘z ishiga professional yondashadi, mashg‘ulotlarda bor kuchi bilan ishlaydi va asosiy tarkibga loyiq futbolchi. - Bugungi uchrashuvda yarim himoyachi Rustam Turdimurodov o‘rniga Usmonali Ismonaliyev maydonga tushdi, keyinchalik tezda himoyachi o‘rniga hujumchi Islam Mashukovni o‘yinga qo‘shdingiz. Bu taktik qarashingiz bilan bog‘liqmidi? - Bu vabank. Usmonaliga hujumda o‘ynash yangilik emas. Oldin "Andijon"da ham, "Bunyodkor"da ham hujumda o‘ynagan. Bizga hujumda chaqqon futbolchi kerak edi. Biroq rejalarimiz o‘xshamay qoldi.

Superliganing 9-turidan o‘rin olgan bellashuv o‘z nihoyasiga yetdi. Ushbu tur doirasida "Andijon" o‘z uyida Vitaliy Levchenko boshchiligidagi "Neftchi"ni qabul qilib, 0:2 hisobida mag‘lub bo‘ldi. Uchrashuvning 11-daqiqasida Farrux Sayfiyev hisobni ochgan bo‘lsa, ikkinchi bo‘limning 60-daqiqasida Jamshid Iskanderov oradagi farqni 2 taga yetkazib, jamoasining g‘alabasini ta’minladi. Mazkur to‘qnashuvdan so‘ng "yo‘lbarslar" ochkolar sonini 15 taga yetkazib olib, "Bunyodkor" va "Dinamo" bilan tenglashib oldi. "Burgutlar" esa 9 ochko bilan turnir jadvalining 12-o‘rnida qoldi. "Andijon" – "Neftchi" 0:2 Gollar: 0:1 – 11, Farruh Sayfiyev (G‘ulom Haydar G‘ulomov), 0:2 – 59, Jamshid Iskanderov (Abror Ismoilov) "Andijon": 25.Valijon Rahimov, 4.Islombek Mamatkazin, 5.Abdulvohid G‘ulomov (11.Islam Mashukov, 84), 6.Altin Kreziu, 7.Rustam Turdimurodov (22.Usmonali Ismonaliyev, 78), 10.Ilhomjon Abdug‘aniyev (9.Mirzad Mehanovich, 66), 13.Sardor Azimov (23.Doniyor Abdumannopov, 46), 18.Damir Temirov, 32. Luka Uskokovich, 33.Oleg Zoteyev, 71.Bektemir Abdumannonov (17.Farhod Sohibjonov, 66). Zaxira: 1.Eldor Adhamov, 8.Iskandar Shayqulov, 14.Abdurahmon Komilov, 66.Miomir Jurichkovich. "Neftchi": 1.Botirali Ergashev, 4. Boyan Siger, 5.Ikrom Aliboyev (14.Jamshid Boltaboyev, 66), 7. Abror Ismoilov, 10.Jamshid Iskanderov (17.Muhammadali G‘iyosov, 90+3), 11.Quvondiq Ro‘ziyev (77.Bilolxon Toshmirzayev, 77), 20.Anvar G‘ofurov, 21.Muhsin Ubaydullayev, 24.G‘ulom Haydar G‘ulomov, 32.Zoran Marushich (22.Toma Tabatadze, 78), 34.Farruh Sayfiyev. Zaxira: 45.Akbar To‘rayev, 6.Ibrohimhalil Yo‘ldoshev, 9.Shohrux Gadoyev, 28.Nodir Komilov, 33.Shohrux Yoqubjonov. Ogohlantirishlar: Doniyor Abdumannopov (86), Anvar G‘ofurov (88)

O‘zbekiston Superligasida nafaqat maydonda, balki tribunada ham qizg‘in raqobat davom etmoqda. UZSL va Artel tomonidan e’lon qilingan tomoshabinlar tashrifi bo‘yicha statistikada “Andijon” jamoasi barcha raqobatchilarini ortda qoldirgan. Ma’lumotlarga ko‘ra, “Burgutlar”ning o‘yinlarini stadionda o‘rtacha 14 069 nafar muxlis jonli tomosha qilmoqda. Bu nafaqat Superliga, balki Markaziy Osiyo miqyosida ham yuqori ko‘rsatkich hisoblanadi. Kuchli uchlik: “Andijon”, “Navbahor” va “Neftchi” Ikkinchi o‘rinda “Navbahor” — 13 176 muxlislik o‘rtacha tashrif bilan. “Lochinlar” uchun bu natija jamoaga bo‘lgan muhabbat va ishonchning o‘z ifodasi hisoblanadi. Kuchli uchlikni esa “Neftchi” yakunlaydi. Farg‘onalik “Yo‘lbarslar” o‘yinlariga 11 700 nafar muxlis tashrif buyurmoqda — bu ham anchagina ta’sirli raqam. To‘liq reyting — tribunadagi raqobat 4. Dinamo (8 524) 5. Surxon (7 589) 6. Nasaf (4 548) 7. Paxtakor (4 274) 8. Qo‘qon-1912 (4 141) 9. OKMK (3 693) 10. So‘g‘diyana (3 389) 11. Qizilqum (3 019) 12. Mash’al (2 646) 13. Bunyodkor (2 060) 14. Sho‘rtan (2 058) 15. Buxoro (890) 16. Xorazm (739) Nima uchun “Andijon” yetakchi? Bunga bir nechta omillarni sabab qilish mumkin: Jamoaning hozirgi formadagi o‘yinlari, Muxlislar bilan yaqin aloqa, Shahar madaniyati va sport an’analari, va eng asosiysi — viloyatning futbolga bo‘lgan samimiy muhabbati. Zamin.uz tahririyati ushbu statistik ko‘rsatkichlarni jamoalarning ijtimoiy qadri, muxlislar bilan aloqasi va professional sportning targ‘iboti bilan chambarchas bog‘liq deb baholaydi. Uyushgan, sodiq va faol muxlislar — har qanday jamoaning eng katta boyligi!

"So‘g‘diyona" bosh murabbiyi Ivan Boshkovich Superliga 8-tur doirasidagi "Neftchi" (1:2)ga qarshi o‘yindan so‘ng matbuot anjumanida ishtirok etdi. O‘yin haqida — Biz ajoyib futbol o‘ynadik deb o‘ylayman. Natija yaxshi emas, ammo Farg‘onada ko‘rsatgan o‘yinimizdan faxrlanaman. Ikkita xato o‘yin taqdirini hal qildi, boshqa barcha ko‘rsatkichlarda raqibni mag‘lub etdik. Ko‘plab gollar urishimiz mumkin. Raqibni g‘alaba bilan, yigitlarimni esa mavsumdagi eng yaxshi o‘yinlari bilan tabriklayman. "Neftchi" bugun qanday yutganidan ko‘ra, o‘zimiz shunday yutqazishni afzal ko‘raman. O‘yin bo‘yicha ko‘prog‘iga loyiq edik, ammo sportda doim ham eng yaxshisi g‘olib bo‘lavermaydi. — Levchenkoning taktikasi xuddi "Inter"nikidek. Ular ikkita vaziyatdan ikkita urishdi. Nima deb o‘ylaysiz, bugun taktika bo‘yicha unga yutqazdingizmi? — Unday deb o‘ylamayman. Barcha rejalarimiz ishladi. Ular bugun mudofaadan o‘ynashdi. Ular zich o‘ynashdi, bu ham yaxshi narsa, ammo bunday vaziyatda gol urishimiz qiyin. — Turkiyadagi yig‘in doirasida kichik intervyu bergandingiz. Unda "Neftchi" bunchalik o‘yinchilarni o‘zgartirib, chempion bo‘lolmasligini aytgandingiz. Bugun "So‘g‘diyona" mag‘lub bo‘ldi, ular shunday o‘yin bilan chempion bo‘lishi mumkin deb hisoblaysizmi? — Siz meni noto‘g‘ri tushungansiz. Men bunday loyiha va falsafaga ishonmayman. Futbolda oldindan aytib bo‘lmaydi, bu mening shunchaki futbolni qanday ko‘rishim. Men har yili eng yaxshi o‘yinchilarni olgandan ko‘ra mashg‘ulot va poydevor orqali vaqt bilan erishiladi deb o‘ylayman. Stadion xodimi yoki milliy gvardiyami kim, bilmadim. Ammo, menga tegmasliklarini xohlardim. Bu futbol, emotsiya, hammasi shu yerda qoladi. Meni o‘g‘lim va qizim kuzatadi, ular meni qandaydir jinoyat qilgan deb o‘ylashlari mumkin. Endi uni uyga borganda tushuntirishim kerak. Bu birinchi marta emas, iltimos qilaman. Hech qanday yomon narsa qilganim yo‘q. — Yosh hujumchi Hoshimovning maydonga tushirilishi Doriyevning qattiq qo‘riqlanishi sababmi? — Barcha o‘z pozitsiyasida o‘ynadi. Hoshimov o‘tgan o‘yinda ham markaziy hujumchi sifatida harakat qilgandi. "Neftchi" ham biz qanday o‘ynashimizni biladi, hech qanday sir yo‘q. U o‘ynashga loyiq bo‘ldi va maydonga tushdi. — Boshkovich o‘tgan yili "Nasaf"ni ikki bor mag‘lub etgan, "Neftchi"ni Farg‘onada mag‘lub etgan. Bu mavsum natijalar pasaygandek, bu haqda nima deysiz? — O‘yin yaxshi, ammo natijalarimiz nostabil. Vaziyatlardan foydalanishda oqsayapmiz. Bugun ham ular xatolarimizdan foydalanib ketdi va bu ham bir mahorat. Bu futbol. Ammo, yana qayta aytaman, bugun "Neftchi" qanday yutganidan ko‘ra, biz shunday yutqazganimizni afzal ko‘raman. Vaqti bilan hammasi yaxshilanadi, hali hamma jamoalar Jizzaxga keladi.

Superliga 8-turidan o‘rin olgan "Neftchi" - "So‘g‘diyona" bahsi bo‘lib o‘tdi va unda mezbonlar 2:1 hisobida g‘alaba qozondi. Sardor Hoshimov hisobni ochgan bo‘lsa, Stanislav Andreyev avtogol urib, hisobni tenglashtirdi. Birinchi bo‘lim so‘ngida Zoran Marushich farg‘onaliklarni hisobda oldinga olib chiqdi. Shu tariqa, "yo‘lbarslar" o‘z uyida qiyinchilik bilan g‘alaba qozondi. "Neftchi" — "So‘g‘diyona" 2:1 Gollar: 23 - Sardorbek Hoshimov (Lyupcho Doriyev), 31 - Stanislav Andreyev (avtogol), 42 - Zoran Marushich (Jamshid Iskanderov) "Neftchi": 1.Botirali Ergashev, 4.Boyan Siger, 5.Ikrom Aliboyev (14.Jamshid Boltaboyev, 46), 7.Abror Ismoilov, 10.Jamshid Iskanderov ( 17.Muhammadali G‘iyosov, 56), 11.Quvondiq Ro‘ziyev (6.Ibrohimhalil Yo‘ldoshev,82), 20.Anvar G‘ofurov (s), 21.Muhsin Ubaydullayev, 24.G‘ulom Haydar G‘ulomov ( 77.Bilolxon Toshmirzayev72), 32.Zoran Marushich (22.Toma Tabatadze, 56), 34.Farruh Sayfiyev. Zaxira: 45.Akbar To‘rayev, 9.Shoxruh Gadoyev,28.Nodir Kamilov, 33.Shoxruh Yoqubjonov. "So‘g‘diyona": 21.Muhammadyusuf Sobirov, 2.Zoir Jo‘raboyev (42.Sardorbek Erkinov,78), 3.Islomjon Qobilov, 4.Otabek Ahadov, 7.Xondamir Mustafoqulov, 8.Suhrob Izzatov, 14.Lyupcho Doriyev, 17.Exsoni Panshanbe ( 99.Umidbek Sultonov, 90), 19.Javohir Qahramonov, 23.Sardorbek Hoshimov (11.Sahob Rashidov,78), 28.Stanislav Andreyev (34.Dilshodbek Misraliyev, 61). Zaxira: 1.Shoxruh Isoqov, 5.Behruz Jumatov, 6.Samandar Sindarov, 18.Oybek Nurmatov, 46.Inomjon Abdumajidov. Ogohlantirish: 12 - Otabek Ahadov, 53 - G‘ulom Haydar G‘ulomov, 90+3 - Ivan Boshkovich.

Bugun futbol muxlislari uchun qiziqarli va muhim uchrashuvlarga boy bo‘lgan Superliga 8-turi yakunlanadi. Kunning eng markaziy va qizg‘in bahsi Farg‘onada bo‘lib o‘tadi. Bu yerda mahalliy «Neftchi» jamoasi Jizzaxning kuchli klubi «So‘g‘diyona» bilan maydonga tushadi. Har ikki jamoa ham mavsumni yuqori saviyada o‘tkazishga intilmoqda va muxlislar bu to‘qnashuvdan ko‘p narsa kutmoqda. Uchrashuv 18:00da start oladi. Shuningdek, yana bir qiziqarli qarama-qarshilik Navoiyda bo‘lib o‘tadi. Bu yerda «Qizilqum» klubi chempionlik uchun kurashayotgan «Navbahor»ni o‘z maydonida qabul qiladi. Bu bellashuv soat 19:00da boshlanadi va har ikki jamoa uchun muhim ahamiyatga ega. Kunning so‘nggi bahsi esa G‘uzor shahrida o‘tadi. Mahalliy «Sho‘rtan» jamoasi o‘z maydonida Samarqandning «Dinamo» klubini qabul qiladi. Har ikki jamoa ham bu mavsumda ko‘rsatgan natijalari bilan muxlislarni xursand qilishga harakat qilmoqda. Uchrashuv 20:15da start oladi. Shunday qilib, Superliganing 8-turida muxlislarning e’tiborini jalb qiladigan bir qator qiziqarli va muhim uchrashuvlar bo‘lib o‘tadi.

O‘zbekiston Superligasida 6-tur uchrashuvlari o‘z nihoyasiga yetdi. Mazkur turda bir qator kutilgan va kutilmagan natijalar qayd etildi. Kutilmagan natijalardan biri sifatida "Bunyodkor" "Xorazm"ni yenga olmagani, shuningdek, "Neftchi" "Paxtakor"ga yirik 0:4 hisobida mag‘lub bo‘lganini aytsak bo‘ladi. Quyida ushbu turda qayd etilgan natijalar bilan tanishing: Shuningdek, 6-tur uchrashuvlaridan so‘ng Superliga turnir jadvalidagi vaziyat bilan ham tanishib chiqishingiz mumkin: Shu bilan birga Superliga 7-tur uchrashuvlari haqida ma’lumot bilan quyida tanishishingiz mumkin:

Superliganing 5-turidan o‘rin olgan "Mash’al" - "Neftchi" (1:4) uchrashuvidan so‘ng mehmonlar bosh murabbiyi Vitaliy Levchenko matbuot anjumanida ishtirok etdi. O‘yin haqida - O‘yinni yaxshi boshladik va to‘p nazoratiga katta urg‘u qaratdik. Ikkita gol ham urdik, ammo taym oxirida biroz bo‘shashdik va gol o‘tkazib yubordik. Raqib xatolaridan unumli foydalanish haqida yigitlarga kiyinish xonasida aytdim. Ikkinchi bo‘limga katta ishonch bilan chiqdik va g‘alabaga munosib o‘ynadik. Jamoamiz vakillari va muxlislarimizni g‘alaba bilan tabriklayman. - Bugun "Neftchi"dan rotatsiya kutgandik. Lekin bu sezilarli darajada amalga oshmadi... - Jamoamizdagi ko‘p futbolchilar yangi, shu bois o‘zaro tushunish yaxshilanishi uchun ko‘proq birga o‘ynash kerak. Bizda har bir futbolchi o‘yinga tayyor bo‘lishi kerak. Asosiy tarkib yoki zaxira tarkib sifatida hech kimni ajratmaymiz. Natija kerak, buning uchun kim loyiq bo‘lsa, maydonga tushiramiz. Mashg‘ulotlarda kuzatamiz, xulosalar shundan keladi. - 15 aprel kuni "Navbahor" bilan o‘ynaysizlar. Shu o‘yinda tarkib qanday bo‘ladi? - Ushbu sanaga qadar hozircha vaqtimiz bor. Mashg‘ulotlarda kim qanchalik tayyor ekanini ko‘rib olamiz. Yakuniy xulosa eng oxirida bo‘ladi. - Yovovichning holati qanday? - O‘tgan bahsda jarohat olgandi. Tavakkal qilishni istamadik va dam berdik. U bizga har doim kerak. Uning jarohati biz uchun yoqimli emas. Ko‘ramiz, keyingi o‘yinga qadar to‘liq tiklanib ulgursa, maydonga qo‘yamiz.

O‘zbekiston Superligasining 5-turidan qoldirilgan bellashuv 11 aprel, juma kuni bo‘lib o‘tdi. Unda “Mash’al” o‘z maydonida “Neftchi”ni qabul qildi. Tezkor gollar va shiddatli temp Uchrashuv juda faol boshlandi. 6-daqiqada Bilolxon Toshmirzayev hisobni ochdi. Bo‘lim yakuniga yaqin Jamshid Iskanderov ikkinchi golni urdi. Birinchi bo‘limning so‘nggi lahzasida esa Sardor Abduraimovning goli “Mash’al”ni o‘yinga qaytardi. Jokich va G‘ofurovning zarbalari natija berdi Ikkinchi bo‘lim yanada jadal davom etdi. 58-daqiqada Yovan Jokich hisobni 3:1 ko‘rinishiga keltirdi. O‘yin tugash arafasida, 90-daqiqada Anvarjon G‘ofurov “Neftchi”ning to‘rtinchi goliga mualliflik qildi. “Mash’al” — “Neftchi” 1:4 Gollar: Bilolxon Toshmirzayev (Ibrohimhalil Yo‘ldoshev) 7, (0:1), Jamshid Iskanderov 43, 0:2, Sardor Abduraimov 45+2 1:2, Yovan Jokich (Jamshid Iskanderov) 58, 1:3, Anvarjon G‘ofurov (Quvondiq Ro‘ziyev) 90, 1:4 "Mash’al": 35. Dostonbek To‘xtaboyev (1. Umidjon Hamroyev, 46), 2. Mudasiru Salifu, 6. Javohir Abdualimov, 8. Sardor Abduraimov, 9. Ibrohim G‘anixonov (7. Islombek Baratov, 62), 15. Muhammadali Aliqulov, 17. Anvar Murodov (96. Ibrohim No‘monov, 46), 24. Avazxon Mamatxo‘jayev, 28. Ergash Ismoilov, 30. Shohnazar Norbekov (10. Humoyun Murtozayev,54) 37. Sherzod Fayziyev. Zaxira: 5. Samandar Ochilov, 18. Dilshod Rahmatullayev, 19. Islom Sharipov,, 22. Nurjahon Muzaffarov, 34. Shaxboz Jo‘rayev. "Neftchi": 1. Botirali Ergashev, 6. Ibrohimhalil Yo‘ldoshev, 7. Abrorbek Ismoilov (11. Quvondiq Ro‘ziyev, 82), 10. Jamshid Iskanderov (17. Muhammadali G‘iyosov, 82), 14. Jamshid Boltaboyev ( 5. Ikromjon Aliboyev, 90), 20. Anvarjon G‘ofurov, 21. Muxsinjon Ubaydullayev, 23. Yovan Jokich ( 24. G‘ulom-Haydar Gulyamov,90), 32. Zoran Marushich (22. Toma Tabatadze, 66), 34. Farruh Sayfiyev, 77. Bilolxon Toshmirzayev. Zaxira: 25. Eldor Suyunov, 4. Boyan Siger, 33. Shoxruhbek Yoqubjonov, 44. Muhammadziyo Adhamjonov. Ogohlantirish: Avazxon Mamatxo‘jayev ("Mash’al") 45+2, Mudasiru Salifu ("Mash’al") 51, Jamshid Boltaboyev ("Neftchi") 68, Ibrohim No‘monov ("Mash’al") Farg‘onaliklar kuchli uchlikda Bu g‘alaba “Neftchi” uchun mavsumdagi ikkinchi g‘alabaga aylandi. Jamoa 9 ochko to‘plab, turnir jadvalida 3-o‘ringa ko‘tarildi. “Mash’al” esa hozircha 3 ochko bilan 15-pog‘onada qolmoqda. Sizningcha, “Neftchi” bu mavsum Superligada qay darajada o‘ynay oladi?

4 aprel kuni Superliganing 4-turi boshlanadi va 6 aprelga qadar davom ettiriladi. Faqat bu safar 7 ta juftlik ishtirokidagi uchrashuvlarga guvoh bo‘lamiz. “Qizilqum” – “Xorazm” uchrashuvi boshqa muddatga qoldirildi. 4 aprel. 18:00. “Buxoro” – “Bunyodkor” Boshlanishi B harfi bilan yuritiladigan jamoalar ishtirokidagi bellashuv o‘ziga xos ahamiyatga ega. “Bunyodkor” klubi mag‘lubiyatsiz odimlamoqda va hisobida 7 ochko bor. “Buxoro” garchi mag‘lubiyat bilan boshlagan bo‘lsa-da, keyingi ikkita turda ishonchli g‘alabalarga erishdi. Har ikki klub joriy mavsumda o‘zlaridan yaxshi taassurot qoldirishayotgani e’tiborga molik. “Buxoro” ham, “Bunyodkor” ham jangovar o‘yin namoyish etishmoqda. Odatda, bu kabi jamoalar o‘rtasidagi o‘yin g‘oyat shiddatli hamda qiziqarli ruhda o‘tadi. 20:15. “Surxon” – “Qo‘qon-1912” Ikkala jamoa ham chempionatda hozircha g‘alaba nimaligini bilmayapti. Pro ligadan qaytgan qo‘qonliklarda g‘alaba bo‘lmaganiga yarasha mag‘lubiyat ham yo‘q. Uchta o‘yinda uchta durang o‘ynashdi. “Surxon”da esa natijalar yomon. Barcha o‘yinda mag‘lubiyatga uchradi. Bu safar termizliklar uchun yana bir imkoniyat. O‘z maydonida, muxlislari qarshisida maydonga tushishadi. “Qo‘qon-1912” ilk bor olis safarga chiqadi. Bungacha uchta turni asosan o‘z hududida o‘tkazdi. Ikki marta Qo‘qonda va bir marta Farg‘onada “Neftchi”ga qarshi bahs olib bordi. “Surxon” ruhiy o‘raga tushib qolgani bois undan qutulishi qiyin bo‘lyapti. Qo‘qonliklar ham dastlabki g‘alabasi uchun kurashadi. Biroq “Surxon” maydonida bir ochko qo‘lga kiritadigan bo‘lsa ham buning uchun ular ortiqcha tanqid qilinmasa kerak. 5 aprel. 19:30. “Neftchi” – “Navbahor” Turning markaziy o‘yini. Farg‘onadagi “Istiqlol” stadionida vodiy derbisi bo‘lib o‘tadi. Chempionlik uchun asosiy da’vogarlardan sanalgan “Neftchi” uchta turda uchta durang o‘ynab qo‘ydi. “Navbahor” esa bir g‘alaba va ikki durangga ega bo‘lib turibdi. G‘alabaga tashna bo‘lib turgan farg‘onaliklarni endi durang qoniqtirmaydi. “Navbahor” o‘tgan turda ham vodiy derbisida ishtirok etgan va o‘z uyida “Andijon”ga qarshi uchrashuvda oxirgi daqiqada g‘alabani qo‘ldan chiqargan. Navbatdagi derbida endi farg‘onaliklarda bosim ko‘proq bo‘ladi. Shundoq ham har turda “Neftchi”da kuchli bosim sezilyapti va bu tabiiy. Bunday qimmatli va yulduzli tarkib bilan har bir o‘yinda g‘alaba qozonishi shart bo‘lib qolgan. Derbida hozircha imkoniyatlar teng. Qolganini o‘yinda ko‘ramiz. 20:15. “Sho‘rtan” – “Nasaf” Bu yoqda vodiy derbisi, u yoqda esa voha derbisi. “Sho‘rtan”ning uy arenasi ta’mirlanayotgani sababidan Qarshidagi “Markaziy” stadiondan foydalanyapti. Shu bois “Nasaf”ga qarshi bahsda “Sho‘rtan” nominal mezbon maqomida, “Nasaf” esa uyida “mehmon” rolida. Superligada gol urmagan birgina “Sho‘rtan” qoldi. Anvar Berdiyev jamoasi uchun navbatdagi uchrashuv yanada og‘ir o‘tishi ma’lum. Tarkib, o‘yin va nom jihatidan “Nasaf”ning favoritligiga hech kimda shubha yo‘q. “Sho‘rtan” o‘tgan turda Qo‘qonda dastlabki ochkosini qo‘lga kiritdi. Derbida jiddiy kurash kechadi, ammo tajriba ko‘p narsani hal qilsa kerak. 6 aprel 17:45. “Andijon” – “Mash’al” Uchta turda uchta durang o‘ynagan “Andijon” klubi bu safar Muborakning “Mash’al” jamoasini qabul qiladi. 2 aprel kuni “Mash’al” Toshkentda qoldirilgan o‘yin doirasida “Paxtakor”ga 5:0 hisobida yutqazdi va ular Andijonga qanday kayfiyatda kelishlarini tasavvur qilish qiyin emas. Aftidan, jamoa a’zolari 29 mart kuni Jizzaxda “So‘g‘diyona” ustidan qozonilgan g‘alabada (1:0) bor kuch va imkoniyatlarini ishga solib yuborgan ko‘rinadi. “Andijon” mavsumdagi birinchi g‘alabasini qo‘lga kiritish uchun yaxshi imkoniyatga ega. 18:00. “So‘g‘diyona” – “Paxtakor” Bu juftlik ham turning qiziqarli o‘tishi kutilayotgan bellashuvlardan biri. “So‘g‘diyona” kutilmaganda startni juda yomon boshladi va uchta turda uchta mag‘lubiyat! “Paxtakor” ham ikkita turda ikki marta yutqazib, yaxshi boshlay olmagandi. 2 aprel kuni 1-turning qoldirilgan uchrashuvi doirasida “Mash’al” bilan uchrashuvda bor alamini oldi va javobsiz 5 ta gol urdi. “Paxtakor”ga qarshi uchrashuvda maydonda chinakam jang bo‘ladi. “So‘g‘diyona”da garchi omadsizlik bo‘lsa-da, “Paxtakor”ga qarshi bellashuv uchun motivatsiya yetarli bo‘lsa kerak. Bu bahsda murabbiylarning taktikasi hamda tayyorgarligi ko‘p narsani hal qiladi. 20:15. OKMK – “Dinamo” Musobaqa peshqadami – OKMK bu safar Samarqandning “Dinamo”sini qabul qiladi. Uchta turda uchta g‘alabaga erishgan Mirjalol Qosimov jamoasini oson bo‘lmagan uchrashuv kutmoqda. Chunki Vadim Abramov har qanday raqibga qarshi himoyaga chekinadigan emas, balki hujumkor uslubni qo‘llaydi. Shu orqali ular Namanganda g‘alabani qo‘ldan chiqarib durang o‘ynadi. Uyida “Mash’al”ni, Toshkentda esa “Paxtakor”ni yutdi. O‘z navbatida samarqandliklar uchun OKMKga qarshi bo‘ladigan o‘yin og‘ir o‘tadi. Murabbiylar bir-birini yaxshi bilishadi. Tomoshabop o‘yin kechishi katta ehtimol.

Toshkent shahrida va viloyatida transport xizmatlarini yaxshilash maqsadida yangi 177-sonli avtobus yo‘nalishi ishga tushirildi. Bu haqda Zamin.uz xabar berdi. Ushbu yo‘nalish yo‘l harakati xavfsizligini ta’minlash va infratuzilmani rivojlantirish doirasida tashkil etilgan. 2025 yil 16 sentyabrdan boshlab yo‘lovchilar uchun xizmat ko‘rsatadigan ushbu marshrut Toshkent viloyatining Iftixor mahallasidan boshlanib, poytaxt markazidagi Chorsu metro bekatigacha qatnaydi. Bu yangi yo‘nalish viloyat aholisi uchun shahar markaziga qulay va tez yetib borish imkonini yaratadi. Yo‘nalishda jami sakkizta zamonaviy avtobus harakat qiladi. Ular King Long XMQ 6900EGW rusumidagi o‘rta sig‘imli, uzunligi 9,5 metr bo‘lgan transport vositalari bo‘lib, yuqori sifat va xavfsizlik talablariga javob beradi. Avtobuslar har kuni soat 05:30 dan 23:17 gacha qatnovni amalga oshiradi. Bu esa yo‘lovchilarga ertalabdan kechgacha muntazam va ishonchli transport xizmatidan foydalanish imkonini beradi. Yangi yo‘nalish ishga tushirilishi bilan viloyatdan poytaxtga keladiganlar uchun transportda katta qulaylik va vaqt tejash ta’minlanadi. Shu bilan birga, yo‘l harakati xavfsizligi oshiriladi va shahardagi transport tizimi samaradorligi yaxshilanadi. Ushbu ma’lumotlar zamin.uz sayti orqali tasdiqlangan.

Ozarbayjonda 2025 yil iyul oyidan boshlab qarindoshlar nikohi qonun bilan taqiqlanganidan so‘ng to‘ylar soni sezilarli darajada kamaydi. Bu haqda Zamin.uz xabar berdi. Masalan, iyun oyida 5 mingdan ortiq nikoh qayd etilgan bo‘lsa, iyul oyida bu ko‘rsatkich 2 694 taga tushdi. Mutaxassislar bu o‘zgarishlarni yaqindan qarindoshlar o‘rtasidagi nikohlarni taqiqlovchi qonunning kuchga kirishi bilan bog‘lamoqda. Qonunga ko‘ra, umumiy bobosi yoki buvasi bo‘lgan aka-uka va opa-singil farzandlari, shuningdek, biologik qarindosh bo‘lgan amakivachchalar va xolavachchalar o‘rtasida nikoh to‘liq man etilgan. Ushbu qonunning asosiy maqsadi genetik nuqsonlar bilan tug‘iladigan bolalar sonini kamaytirish va sog‘lom avlodni ta’minlashdir. Tibbiyot mutaxassislari ta’kidlaganidek, qarindoshlar o‘rtasidagi nikohlar ko‘pincha irsiy kasalliklar yuzaga kelishiga sabab bo‘ladi, bu esa kelajak avlod sog‘lig‘iga salbiy ta’sir ko‘rsatadi. Ozarbayjon Adliya vazirligining ma’lumotlariga ko‘ra, 2025 yilning yanvaridan iyuligacha mamlakatda 12 146 ta ajrim holati qayd etilgan, bu ko‘rsatkich o‘tgan yilga nisbatan biroz kamaygan. Har 1000 kishi hisobiga ajrimlar darajasi 2,1 dan 2,0 ga tushgan. Yangi qonunga muvofiq, nikoh tuzish uchun ariza berayotgan shaxslar qarindoshlik darajasini aniqlash maqsadida tug‘ilganlik haqidagi guvohnoma hamda ota-onalarining hujjatlarini taqdim etishlari shart. Agar qonun buzilishi aniqlansa, bunday holatlar uchun ma’muriy yoki jinoiy javobgarlik belgilanadi. Ushbu qoidalar sog‘lom va barqaror jamiyat qurishga xizmat qiladi.

Barcelona jamoasining qanot hujumchisi Lamin Yamal hanuzgacha old tizza suyagi bilan bog‘liq muammolarga duch kelmoqda. Bu haqda Euro-football.ru xabar berdi. Klubning tibbiy shtabi uning holatini diqqat bilan nazorat qilmoqda va 18 yoshli futbolchining maydonga tezda qaytishini majburlash niyatida emas. Mundo Deportivo nashrining ma’lumot berishicha, Yamal 18 sentyabr kuni bo‘lib o‘tadigan Chempionlar ligasining Newcastle jamoasiga qarshi o‘yinda ishtirok eta olmaydi. Bundan tashqari, 21 sentyabrda Hetafe va 25 sentyabrda Real Oviedo jamoalariga qarshi o‘yinlarda ham uning maydonga tushishi shubhali hisoblanadi. Eng real variant sifatida, Lamin 28 sentyabrda Real Sosiedadga qarshi o‘yinda biroz maydonga chiqib, 1 oktabrda bo‘ladigan Parij Sen-Jermen bilan o‘yinga to‘liq tayyor bo‘lishi ko‘zda tutilmoqda. Chempionlar ligasidagi PSGga qarshi o‘yin Yamal uchun tiklanish jarayonidagi asosiy maqsad hisoblanadi. Klub mutaxassislari futbolchining sog‘lig‘ini birinchi o‘ringa qo‘yib, uning sog‘lom holatda maydonga qaytishini ta’minlashga harakat qilmoqda.

Turk seriallari nafaqat mamlakat ichida, balki butun dunyoda keng auditoriyaga ega. Bu haqda Zamin.uz xabar berdi. Shu sababli, ularda bosh rollarni ijro etuvchi aktyor va aktrisalar ham katta daromad oladi. Quyida eng ko‘p gonorar oladigan turk aktyorlari ro‘yxati keltirilgan. Birinchi o‘rinda Can Yaman turadi. U Italiya va Lotin Amerikasi kabi hududlarda ham mashhur bo‘lib, bir seriya uchun taxminan 5 million turk lirasini oladi. Bu miqdor yevro hisobida 150 mingga teng. Can Yaman serial va reklama loyihalarida katta talabga ega. Ikkinchi o‘rinda Çağatay Ulusoy bor. Uning gonorari bir seriya uchun 3,5 million lira, ya’ni taxminan 105 ming yevro. Çağatay Netflix va boshqa yirik platformalarda o‘zini ko‘rsatgan, shuningdek, xalqaro darajada mashhurlikka ega. Bu esa seriallarning eksport qiymatini oshiradi. Uchinchi o‘rinda Kıvanç Tatlıtuğ turadi. U klassik turk superstari hisoblanib, yuqori byudjetli loyihalarda qatnashadi. Uning bir seriyaga oladigan maoshi 3 million lira, taxminan 90 ming yevroga teng. To‘rtinchi o‘rinda Serenay Sarıkaya bor. Uning ijodiy qirralari va reklama sohasidagi muvaffaqiyatlari uni serial prodyuserlari uchun qimmatbaho qiladi. Serenayning bir seriyadagi gonorari 2,5 million lira, ya’ni 75 ming yevro atrofida. Beshinchi o‘rinda Demet Özdemir joylashgan. U komediya va dramatik rollarda o‘zining ko‘p qirrali mahoratini namoyish etib, bir seriya uchun 2 million lira oladi. Shuningdek, Demet reklama va brend hamkorliklari orqali qo‘shimcha daromad ham topadi. Oltinchi o‘rinda Hande Erçel bor. U turk seriallarining eng mashhur yulduzlaridan biri hisoblanadi. Hande bir seriya uchun taxminan 2 million lira, ya’ni 65 ming yevro atrofida gonorar oladi. Bundan tashqari, u reklama kampaniyalari va brend hamkorliklari orqali qo‘shimcha daromadga ega. Shu tariqa, turk seriallari yulduzlari nafaqat o‘z mamlakatida, balki xalqaro miqyosda ham katta e’tiborga ega bo‘lib, ular oladigan gonorarlar ham rekord darajada yuqori. Bu esa serial sohasining rivojlanishi va eksport salohiyatining oshishiga xizmat qiladi.

Tailandda 21 yoshli erkak 11 oylik qizini jonli efirda osib o‘ldirdi. Bu haqda Zamin.uz xabar berdi. Bu haqda The Mirror nashri xabar berdi. Hodisa Facebook ijtimoiy tarmog‘idagi jonli videotranslyatsiya vaqtida sodir bo‘lgan. Erkak avval qizini osib o‘ldirgan, so‘ngra o‘z joniga qasd qilgan. Ushbu voqea jamoatchilik orasida katta shov-shuvga sabab bo‘ldi. Politsiya xodimlari ota va qizning jasadini Pxuketdagi tashlandiq mehmonxonada topdi. Dastlabki ma’lumotlarga ko‘ra, erkakning bu qotillik harakati uning rafiqasi bilan yuzaga kelgan nizo sabab bo‘lgan. Hodisa ota-ona va oila munosabatlaridagi muammolarni yana bir bor ochib berdi. Bu voqea ota-onalar va oilalarga internet va ijtimoiy tarmoqlardagi xavflarga nisbatan ogohlikni oshirish zarurligini ko‘rsatmoqda. Jonli efirda bunday nopok harakatlarni namoyish qilish psixologik va ijtimoiy salbiy oqibatlarga olib kelishi mumkin. Hozirda voqea Pxuketdagi huquq-tartibot organlari tomonidan tergov qilinmoqda. Ota-onalarga farzandlarining xavfsizligini ta’minlash, internetda ehtiyotkorlik bilan harakat qilish hamda oilaviy muammolarni hal etish muhimligi yana bir bor eslatilmoqda.

Can Yaman 1989 yil 8 noyabrda Istanbulda tug‘ilgan. Bu haqda Zamin.uz xabar berdi. Dastlab u huquqshunoslik sohasini o‘rgangan, ammo keyinchalik aktyorlikka qiziqib, shu yo‘lda faoliyat yuritishni boshlagan. Hozirda u Turkiya seriallari orqali nafaqat o‘z yurtida, balki xalqaro miqyosda ham mashhur shaxsga aylangan. Tomoshabinlar uni asosan "Erkenci Kuş" seriali orqali yaxshi taniydi. Ushbu serialda ijro etgan roli unga Italiya, Ispaniya va Lotin Amerikasida millionlab muxlislar orttirishga yordam berdi. Bundan tashqari, "Bay Yanlış", "Dolunay" va "İnadına Aşk" kabi seriallardagi rollari uning aktyorlik mahoratini yanada oshirdi. Can Yaman faqat Turkiyada emas, balki xalqaro maydonda ham muvaffaqiyat qozongan. U Italiyada suratga olingan "Viola Come il Mare" serialida bosh qahramon rolini ijro etdi. Shuningdek, Yevropaning turli mamlakatlarida muxlislar bilan uchrashuvlar o‘tkazib, keng auditoriyaga ega bo‘ldi. Aktyorning o‘ziga xos xarizmasi, yuqori darajadagi aktyorlik mahorati va sport bilan shug‘ullanishi uni boshqalardan ajratib turadi. U italyan va ingliz tillarini yaxshi biladi, bu esa ko‘plab brendlar tomonidan reklama yuziga aylanishiga sabab bo‘ladi. Can Yaman nafaqat ekranda, balki ijtimoiy tarmoqlardagi faoliyati bilan ham muxlislarning diqqat markazida. Garchi unga nisbatan turlicha fikrlar bo‘lsa-da, u hozirgi kunda Turkiya kinolarining eng yorqin va xalqaro miqyosda tan olingan aktyorlaridan biri hisoblanadi. Can Yaman o‘zining iste’dodi va shaxsiyati bilan ko‘plab insonlarning qalbini zabt etgan yulduzdir.

Ertaga, 18-sentyabr kuni, Yer sayyorasiga 2025-yildagi eng yirik asteroidlardan biri yaqinlashishi kutilmoqda. Bu haqda Zamin.uz xabar berdi. Quyosh astronomiyasi laboratoriyasining rasmiy ma’lumotlariga ko‘ra, “2025 FA22” nomli asteroid Toshkent vaqti bilan soat 12:00 atrofida Yerdan Oy orbitasining diametridan biroz kengroq masofada o‘tib, sayyoraga eng yaqin nuqtaga yetadi. Ushbu kosmik obyektning o‘rtacha diametri 166 metr, uzunligi esa 290 metrni tashkil qiladi. Massasi jihatdan u “Chelyabinsk” meteoritidan taxminan 1000 marta katta hisoblanadi. Rossiya Fanlar akademiyasining Kosmik tadqiqotlar instituti olimlari fikricha, bu asteroid 2025-yilda Yer yaqinidan million kilometrdan kamroq masofada o‘tadigan eng yirik va diqqatga sazovor kosmik jismlardan biridir. Shu bilan birga, Yer uchun xavfli jismlar ro‘yxatiga kiritilgan ko‘pchilik asteroidlarda bo‘lgani kabi, bu obyektning sayyora bilan to‘qnashuv ehtimoli juda past hisoblanadi. Olimlarning ta’kidlashicha, asteroidning harakatini teleskop yordamida aniq kuzatish deyarli imkonsizdir. Akademik astrofiziklar “to‘qnashuv ehtimoli amaliy jihatdan nolga teng”ligini bildiradilar, chunki asteroid orbitasini qisqa vaqt ichida tubdan o‘zgartirishi mumkin bo‘lgan holatlar kombinatsiyasini tasavvur qilish qiyin. Bu esa aholi va olimlar uchun qo‘rquvsiz kuzatish imkonini yaratadi. Shuningdek, oldinroq 2025 PM nomli, diametri 50 metr bo‘lgan asteroidning Yer yaqinidan o‘tishi haqida ham ma’lumot berilgan edi. Bu kabi kuzatuvlar orqali kosmik jismlarning harakatini aniqlash va Yer xavfsizligini baholash imkoniyati kengaymoqda. Shunday qilib, olimlar sayyoramizni himoya qilish uchun muntazam ravishda kosmik obyektlarni kuzatishda davom etmoqda.

Prezident Shavkat Mirziyoyev 16 sentyabr kuni Yangi Namangan tumanida barpo etilgan “Taraqqiyot” sanoat va servis zonasida amalga oshirilayotgan loyihalar bilan yaqindan tanishdi. Bu haqda Zamin.uz xabar berdi. Mamlakatimizda tadbirkorlar uchun qulay sharoit yaratish, iqtisodiyot tarmoqlarini kengaytirish hamda aholining bandligini ta’minlash maqsadida turli hududlarda texnoparklar va kichik sanoat zonalari tashkil etilmoqda. Namangan viloyatida bugungi kunga kelib 1,5 ming gektar maydonda jami 73 ta sanoat zonasi faoliyat yuritmoqda. Yangi Namangan tumanidagi Sohil mahallasida ham bu ishlar o‘z samarasini bermoqda. Ilgari mahalliy tadbirkorlar va hunarmandlar tor sharoitda, asosan uy sharoitida faoliyat ko‘rsatgan bo‘lsa, hozirda ular zamonaviy infratuzilmaga ega bo‘lgan keng maydonda ish olib bormoqda. “G‘ijduvon tajribasi” asosida tashkil etilgan 10 gektarlik sanoat zonasida 113 ta yirik va o‘rta quvvatli loyiha joylashtirilgan. Budjet mablag‘lari hisobidan elektr energiyasi, ichimlik va oqova suv tarmoqlari, shuningdek, ichki yo‘llar kabi barcha zarur infratuzilma qurilib, ishlab chiqarish uchun qulay sharoitlar yaratildi. Natijada yiliga 500 milliard so‘mlik mahsulot ishlab chiqarish va xizmat ko‘rsatish imkoniyati yuzaga keldi. Eng muhimi, 4800 ta yangi ish o‘rni tashkil etildi. Qo‘shni mahallalardan 170 nafar tadbirkor jalb qilinib, 350 dan ziyod xonadonda kooperatsiya asosida ishlab chiqarish yo‘lga qo‘yildi. Bu esa aholining iqtisodiy faolligini sezilarli darajada oshirmoqda. Shuningdek, sanoat zonasida tayyor uskunalar va amaliyotdan foydalanib, ishsiz fuqarolarni kasb-hunarga qayta tayyorlash imkoniyati ham mavjud. Bu chora-tadbirlar ishsizlik va kambag‘allikni kamaytirishga, aholining turmush darajasini oshirishga xizmat qiladi. Prezident Shavkat Mirziyoyev servis markazlarini ko‘zdan kechirib, mahalliy ustalar bilan suhbatlashdi. Davlat rahbari ta’kidlashicha, mamlakatimizda yangi avtomobil zavodlari ishga tushirilmoqda va mashinalar soni ortib bormoqda, ammo servis xizmati hali yetarli emas. Chet el avtomobillari uchun xizmat ko‘rsatish tizimini ham yo‘lga qo‘yish zarur. Bu orqali aholi bandligi oshadi va xizmat sifati yaxshilanadi. Shu sababli bunday servis markazlarini boshqa tumanlarda ham tashkil etish hamda malakali kadrlar tayyorlash bo‘yicha topshiriqlar berildi. Shuningdek, prezident mahalliy ishlab chiqaruvchilar tomonidan tayyorlanayotgan mebellar ko‘rgazmasi bilan tanishdi. Yoshlarning tajriba orttirishi, tadbirkorlikni qo‘llab-quvvatlash va ish topish imkoniyatlarini kengaytirish yuzasidan alohida ko‘rsatmalar berildi. Majmuada mehnat sharoiti bilan bir qatorda dam olish, xavfsizlik va inson qadrini ta’minlashga qaratilgan zamonaviy yondashuvlar ham bo‘lishi lozimligi ta’kidlandi. Shuningdek, Namanganda shaharsozlik va uy-joy qurilishi sohasida amalga oshirilayotgan yirik loyihalar haqida ham ma’lumot berildi. Ushbu ishlar aholi uchun zamonaviy yashash sharoitini yaratish va hududlarni kompleks rivojlantirishda muhim ahamiyat kasb etadi. Manba: zamin.uz