Mercedes G-klass ishtirokidagi avariyada Tesla Cybertruck'ning orqa qismi ajralib ketdi

Amerika Qo'shma Shtatlarining Texas shtati, Frisko shahrida sodir bo'lgan yo'l-transport hodisasida elektr pikapi Tesla Cybertruck jiddiy shikastlandi. CBS News Texas xabariga ko'ra, Mercedes-Benz G-klass haydovchisi tibbiy holat tufayli boshqaruvni yo'qotib, yo'l yoqasida turgan sakkizta avtomobilga urilgan.

Hodisa natijasida, Tesla Cybertruck'ning orqa qismi old qismidan ajralib ketgan. Mercedes-Benz G-klass esa to'ntarilib ketgan, haydovchi esa hayot uchun xavfli bo'lmagan jarohatlar bilan kasalxonaga yotqizilgan. Politsiya ma'lumotlariga ko'ra, hodisa qasddan sodir etilmagani sababli, haydovchiga qarshi ayblovlar qo'yilmagan.