BYD kompaniyasi o‘zining yangi flagman hybrid SUV modeli — Sea Lion 07DM-i uchun oldindan buyurtmalarni boshladi, deb speedme.ru xabar berdi.
Narxlar 189 800 yuandan (taxminan 264 million so‘m) boshlanadi. Model 1.5T ichki yonuv dvigateli va elektromotordan iborat bo‘lib, jami 160 kW quvvat va 380 Nm moment beradi. Yonilg‘i sarfi — 4,7 l/100 km, yurish masofasi esa 1320 km.
Yangi avtomobilning eng noyob xususiyati — dron Lingyuan. U uchib razvedka, surat va video olish, so‘ng salonga qaytish imkoniyatiga ega. Platforma YunNian-C asosida bo‘lib, harakatni silliq qiladi.
Salon texnologiyalarga to‘la: karaoke tizimi, muzlatkich, 12 dinamikli Dynaudio, ovozli boshqaruv, W-HUD displey va DiLink100 tizimi mavjud. Xavfsizlik — autopilot, lidar yoki 3 kamera, hamda "Qo‘riqchi" funksiyasi bilan ta’minlangan.
