1 iyuldan boshlab Toshkent shahri aholisi va mehmonlari uchun yangi qulay avtobus yo‘nalishi ishga tushiriladi. Bu haqida Upl.uz xabar berdi.
Ushbu yo‘nalish poytaxtni bevosita mashhur dam olish maskani bo‘lgan Charvak suv ombori bilan bog‘laydi. Yo‘nalish “Mashinasozlar” metrostansiyasidan boshlanib, Charvak suv omborigacha harakatlanadi.
Yo‘nalishda zamonaviy MAN brendidagi turistik avtobuslar ishlatiladi. Har bir avtobusda 47 yo‘lovchi uchun joy ajratilgan bo‘lib, konditsioner o‘rnatilgan.
Bu yoz oylarida ayniqsa qulaylik yaratadi. Bir yo‘nalishdagi chipta narxi 25 000 so‘mni tashkil etadi.
To‘lov naqd pul yoki bank kartasi orqali amalga oshirilishi mumkin. Avtobuslar har kuni soat 6:00da harakatlanishni boshlaydi.
Har bir qatnov 1 soat 30 daqiqada bir marta bo‘lib, muntazam qatnov ta’minlanadi. Toshkentdan Charvakgacha yo‘l taxminan 1 soat 30 daqiqa davom etadi.
Charvakdan oxirgi avtobus soat 20:30da jo‘nab, Toshkentga soat 22:00da yetib boradi.
