O‘zbekiston yo‘llarida vazn o‘lchash moslamalari o‘rnatila boshlandi. Bu haqida Upl.uz xabar berdi.
Ijtimoiy tarmoqlarda ushbu jarayon haqida video tarqaldi. Videoda ko‘rinishicha, mamlakatimizning bir necha yo‘l bo‘ylab maxsus vazn o‘lchash tizimlari joylashtirilmoqda.
Hukumat yuk tashish qoidalarini buzgan haydovchilarga jarima solishni rejalashtirmoqda. Endilikda, yukning vazni belgilangan normadan oshsa, haydovchiga jarima qo‘llaniladi.
Video muallifining so‘zlariga ko‘ra, ushbu maxsus tizimni Xitoy mutaxassislari o‘rnatmoqda. Ijtimoiy tarmoqlarda O‘zbekiston fuqarolari bu tashabbusni qo‘llab-quvvatlamoqda.
Bu chora yuk tashish sohasida tartib-intizomni kuchaytirish, yo‘l harakati xavfsizligini ta’minlashga xizmat qiladi. Shuningdek, yuklarning ortiqcha vazn bilan tashilishi yo‘lning shikastlanishiga ham salbiy ta’sir ko‘rsatadi.
Shu sababli, bunday nazorat tizimining joriy etilishi mamlakat yo‘llarining uzoq muddat xizmat qilishini ta’minlashda muhim ahamiyatga ega. Hukumat tomonidan belgilangan qoidalar doirasida jarimalarning qo‘llanilishi haydovchilarni mas’uliyatli bo‘lishga undaydi va yuk tashish faoliyatining sifatini oshiradi.
Umuman olganda, vazn o‘lchash tizimlarining o‘rnatilishi transport sohasidagi qonunbuzarliklarni kamaytirishga yordam beradi. Bu esa mamlakat iqtisodiyoti va infratuzilmasining rivojlanishiga ijobiy ta’sir ko‘rsatadi.
