Floridadagi universitetda politsiyachining o‘g‘li otishma sodir etdi (video)
2025 yil 17 aprel kuni Florida shtatidagi Florida davlat universitetida (FSU) otishma yuz berdi. Unda ikki kishi halok bo‘ldi, kamida olti nafar yaralandi.
Politsiya maʼlumotlariga ko‘ra, gumonlanuvchi — 20 yoshli Feniks Ikner, universitet talabasi va mahalliy sherifning o‘g‘li. U otishma vaqtida onasiga tegishli bo‘lgan sobiq xizmat qurolidan foydalangan.
Hodisa universitetning talabalar ittifoqi binosi oldida, tushlik vaqtida sodir bo‘lgan. Talabalar panoh izlab, bino ichidagi bouling zali va yuk liftiga yashiringanlar.
Feniks Ikner politsiya buyruqlariga bo‘ysunmagani uchun o‘qqa tutildi va hozirda shifoxonada. Yaralanganlarning barchasi Tallaxassi Memorial shifoxonasida davolanmoqda.
Prezident Donald Tramp bu voqeaga munosabat bildirib, «bu dahshatli holat» ekanini aytdi, ammo yangi qurol qonunlarini qabul qilish niyati yo‘qligini taʼkidladi. U: «Qurol emas, odam otadi», — dedi.
Universitet rahbariyati hodisadan so‘ng darslarni va barcha tadbirlarni haftaning oxirigacha bekor qildi.
