Kolbasali buterbrodlarni haddan tashqari ko‘p iste’mol qilish salomatlik uchun jiddiy oqibatlarga olib kelishi mumkin, deb ogohlantirdi xirurg Aleksandr Umnov. Uning so‘zlarini News.ru nashri keltirmoqda.
Bu yerda faqat ortiqcha vazn to‘plash haqida gap ketmayapti. Mutahassisning ta’kidlashicha, bunday ovqatlanish boshqa jiddiy kasalliklarni keltirib chiqarishi mumkin.
Kolbasa organizmga qanday zarar yetkazadi?
Agar kishi har kuni kolbasali buterbrodlar bilan nonushta qilsa yoki tez-tez iste’mol qilsa, u:
- Oshqozon osti bezi (podjeludochnaya) faoliyati buzilishi,
- Buyraklar ishlashida muammolar,
- Yurak-qon tomir tizimi kasalliklari kabi jiddiy muammolarga duch kelish xavfiga ega bo‘ladi.
Shifokorning ta’kidlashicha, kolbasa tarkibida juda ko‘p konservantlar, xolesterin va tuz mavjud. Ushbu moddalar organizmning muhim a’zolarini tezda yemiradi.
Ortiqcha vazn va boshqa xavflar
Xirurgning ta’kidlashicha, ortiqcha vazn ham katta muammo hisoblanadi. Agar inson doimiy ravishda kolbasali buterbrodlarni iste’mol qilsa, u bir necha kilogrammga semirishi mumkin, bu esa uzoq muddatda semizlik (ojireniye) ga olib kelishi mumkin.
Bundan tashqari, non va kolbasa bilan tez-tez gazak yeyish (perekus) bo‘yrak tosh kasalligi (mochekamennaya bolezn) rivojlanishiga ham sabab bo‘lishi mumkin.
Xususan, eng arzon kolbasa mahsulotlarini tanlash eng katta xatolardan biri. Ularning tarkibida deyarli go‘sht yo‘q, aksincha, shox, tuyoq, xryashlar va hayvon qoldiqlari ko‘p bo‘ladi. Bu esa inson organizmi uchun katta xavf tug‘diradi, deya xulosa qildi mutaxassis.
Mutaxassislar bunday mahsulotlarni tez-tez iste’mol qilishdan ogohlantirmoqda. Ovqatlanish tarkibini qayta ko‘rib chiqish va sifatli, tabiiy mahsulotlarga e’tibor qaratish muhim hisoblanadi.
