Bog‘da nima uchun gul ekilishi sababi ma’lum bo‘ldi

Hosil mavsumida bog‘ingizni zararkunandalar yo‘q qilishini xohlamaysiz, albatta. Shuning uchun ekinlarni himoya qilishga oldindan tayyorgarlik ko‘rish kerak. Mana, bunday holda qanday o‘simliklar ekish mumkin?

Bog‘bon va landshaft dizayneri Olga Voronovaning aytishicha, gullar va dorivor o‘simliklar hosilingiz uchun a’lo darajadagi «qo‘riqchi» bo‘lishi mumkin. Masalan, marigoldlar (barxatsi), nasturtium (nastursiya) va kalendulalar hasharotlarni uzoqlashtiradi.

Turli ekinlar bilan turli o‘simliklarni eksa bo‘ladi. Marigoldlar karam qo‘ng‘iziga qarshi kurashadi, shuning uchun ularni karam yonida ekish tavsiya etiladi. Qora loviya (chernie bobi) kolorad qo‘ng‘izini kartoshkaga yaqinlashtirmaydi, nasturtium esa ekinlarni zararli zamburug‘lardan himoya qiladi.

«Bu uchta klassik gul 100 foiz samara beradi», — deydi mutaxassis.

Shuningdek, rozmarin, monarda va boshqa hidli dorivor o‘simliklar ham bog‘dagi ekinlar uchun yaxshi qo‘shni bo‘ladi. Ulardan taralayotgan yoqimli, lekin hasharotlarga yoqmaydigan hid o‘simliklarni himoya qiladi. Polin ham xuddi shunday samara beradi, lekin tabiiy holda o‘sganini topish shart emas, bog‘da maxsus ekish ham mumkin.

Barcha o‘simliklarni chiroyli va oqilona joylashtirish uchun Olga Voronova gullar va dorivor o‘simliklar uchun alohida joy ajratishni oldindan rejalashtirishni tavsiya etadi.

«Men odatda urug‘ sepishda ozgina bo‘sh joy qoldiraman va keyin ularga kerakli gullarni ekib qo‘yaman», — deb bo‘lishdi bog‘bon «MIR 24»ga bergan izohida.

Ovqatga foyda keltiradigan sabzavotlarni gullar bilan birga ekishning yana bir qo‘shimcha afzalligi bor: natijada, oddiy bog‘ emas, go‘zal va dizayner uslubidagi hosilzor hosil bo‘ladi.