Jizzaxda noqonuniy migratsiyani uyushtirgan shaxs qo‘lga olindi, deb UPL.uz xabar berdi.
Jizzax viloyati IIB matbuot xizmatiga ko‘ra, huquqni muhofaza qiluvchi organlar tomonidan maxsus tezkor tadbir o‘tkazilgan. Tadbir davomida Sh.Rashidov tumanida yashovchi shaxs ushlandi. Ma’lum bo‘lishicha, u Zarbdoq tumanida yashovchi fuqaroning ishonchini qozonib, uni AQShga ishlashga yuborishni va’da qilib, 11 200 AQSh dollari (taxminan 141 million so‘m) va 50 million so‘m olgan. Umumiy miqdorda 200 million so‘m olgan.
Tergovga ko‘ra, u fuqaroning AQShga noqonuniy yo‘l bilan, Meksika orqali yuborilishini rejalashtirgan.
Mazkur holat yuzasidan O‘zbekiston Respublikasi Jinoyat kodeksining “Firibgarlik” moddasi bo‘yicha jinoyat ishi qo‘zg‘atilgan. Tergov ishlari olib borilmoqda.
