Jamiyat yangiliklari

Mamlakatimizda mahalliy tadbirkorlar bilan bir qatorda xorijiy tadbirkorlarni ham qo‘llab-quvvatlash, ularning huquqlari va qonuniy manfaatlarini himoya qilish e’tiborda. Sirdaryo viloyat sudining qarzdor “A.INTER.M.” MCHJdan Shveysariyaning “ASSTRA F.AG” korxonasi foydasiga 48 485 EVRO qarz va 14,1 mln. so‘m davlat boji undirish to‘g‘risidagi ijro hujjati bo‘yicha Majburiy ijro byurosining Sirdaryo tuman bo‘limi tomonidan ijro harakatlari olib borilgan. Davlat ijrochisi tomonidan berilgan ixtiyoriy muddatda qarzdorlik qoplanmaganligi sababli, majburiy ijro harakatlariga kirishilib, qarzdorning bank hisob-raqamiga hamda mol-mulklariga band solingan. Ijro harakatlari natijasida qarzdordan mazkur qarzdorlik 699 mln. so‘m miqdorida to‘liq undirilib, undiruvchi xorijiy korxonaning bank hisob raqamiga o‘tkazib berilishi ta’minlandi.

Qo‘qon shahrida 18 yillik turmushdan so‘ng eri-xotinning jiddiy sabablarsiz ajralishi va o‘ziga qadrli bo‘lgan xonadonidan, balki birgalikda ishlab topgan buyumlarni o‘rtada bo‘linishi va undirilishi haqida so‘z boradi. Majburiy ijro byurosi Qo‘qon shahar bo‘limi ish yurituvida, Fuqarolik ishlari bo‘yicha Qo‘qon tumanlararo sudining ijro varaqasiga asosan javobgar B.B. tomonidan da’vogar S.B. foydasiga 12 turdagi mulklarni olish belgilangan bo‘lib, javobgarga bir necha marotaba ogoxlantirish berilgan bo‘lsada, sud qarorini ixtiyoriy bajarmaganligi sababli, majburiy ijro harakatlari davlat ijrochilari tomonidan olib borildi. Natijada majburiy ijro harakatlari davomida da’vogarning mulklari davlat ijrochilari tomonidan olib berildi. Shuningdek, ijro hujjati “Sud hujjatlari va boshqa organ hujjatlarini ijro etish to‘g‘risida”gi Qonunning 41-moddasiga asosan amalda tamomlandi.

O‘zbekistonda xizmat ko‘rsatgan artist, mashhur xonanda Ozoda Nursaidova insonparvarlik yuzasidan yana bir saxovatli ishga qo‘l urdi. U hech kimga bildirmasdan, avtohalokatga uchragan aktrisa Sabrina Jabborovaning Turkiyadagi operatsiya xarajatlarini to‘lab berdi. Hodisaning tafsilotlari Eslatib o‘tamiz, 2024 yil Ozoda Nursaidovaning "Dilbarim" klipini suratga olish jarayonida Sabrina Jabborova avtohalokatga uchragan edi. Hodisa oqibatida u jiddiy jarohat olib, uzoq muddat davolanishga majbur bo‘ldi. Sog‘lig‘ini tiklash uchun Jabborova Turkiyaga jo‘nab ketgan. Hammasi sir saqlangan holda Ozoda Nursaidova aktrisaning operatsiya xarajatlarini to‘lagani ma’lum bo‘ldi. Bu haqda faqat Sabrina Jabborovaning yaqinlari xabar topib, xonandaga samimiy minnatdorchilik bildirishdi. Videomuloqot orqali minnatdorlik Tarmoqlarda tarqalgan surat va videolarda Sabrina Jabborovaning do‘stlari va yaqinlari uning salomatligi haqida ma’lumot olmoqda. Ozoda Nursaidova ham aktrisaning holidan xabar oldi va uning tez fursatda to‘liq tuzalishiga umid bildirdi. Videomuloqot davomida Jabborovaning yaqinlari xonandaga tashakkur izhor qildi. Ular Ozoda Nursaidovaning qo‘llab-quvvatlashi va yordami uchun oilasi nomidan minnatdorchilik bildirdi. Ozoda Nursaidovaning munosabati Ozoda Nursaidova o‘z so‘zlarida bu ishni insonparvarlik yuzasidan qilganini va Sabrina Jabborova butkul sog‘ayib, O‘zbekistonga qaytishi uchun oxirigacha yordam berishini ta’kidladi. Uning bu saxovatli ishi muxlislar va san’at olami vakillari tomonidan katta iliqlik bilan kutib olindi. Bu voqea Ozoda Nursaidovaning nafaqat san’at sohasida, balki insonparvarlik borasida ham buyuk qalb sohibi ekanini yana bir bor namoyon qildi.

Andijon viloyatida Yo‘l harakati xavfsizligi boshqarmasi xodimini Spark avtomobili urgani haqida xabar berildi. YHXB ma’lumotiga ko‘ra, voqea 30 mart kuni Andijon tumani, O‘rikzor mahallasidan o‘tuvchi yo‘lda sodir bo‘lgan. Yo‘l-transport hodisasi tafsilotlari 1989 yilda tug‘ilgan haydovchi Spark rusumli avtomobilni boshqarib ketayotganda rul boshqaruvini yo‘qotib, svetoforning qizil chirog‘ida to‘xtab turgan yana bir Spark rusumli avtomobilning orqa qismiga urilib, yo‘l-transport hodisasi sodir etgan. Biroq haydovchi voqea joyidan qochib ketgan. Jabrlanuvchi holat yuzasidan ichki ishlar bo‘limi xodimlariga murojaat qilgan. Murojaat asosida YPX xodimlari Spark avtomobilni to‘xtatishga harakat qilishgan, ammo haydovchi YPX xodimlarining qonuniy talablariga itoat qilmasdan, ularning birini urib yuborgan va harakatlanishda davom etgan. Haydovchining holati va huquqiy jarayon Tekshiruvlar natijasida haydovchi mast holatda ekani aniqlangan. Shuningdek, u avvaldan haydovchilik guvohnomasidan mahrum qilinganligi ma’lum bo‘lgan. Holat yuzasidan zarur hujjatlar rasmiylashtirilib, ish sudga oshirilgan. Hozirda YPX xodimiga nisbatan sodir etilgan harakat yuzasidan qonun doirasida choralar ko‘rish masalasi ko‘rib chiqilmoqda.

O‘zbekistonda maktab bitiruvchilari uchun ilmiy olimpiada tashkil etiladi va g‘oliblar Damas avtomobili bilan taqdirlanadi, deb nova24.uz maktabgacha va maktab ta’limi vaziri Hilola Umarovaga tayanib xabar berdi. Ma’lumotlarga ko‘ra, aprel oyida Toshkent to‘qimachilik va yengil sanoat institutida “Kelajak yosh muhandislari” nomli ilmiy olimpiada o‘tkaziladi. Unda faqat maktab bitiruvchilari qatnashadi. Bellashuvlar fizika, matematika va kimyo fanlaridan bo‘ladi. Mukofotlar quyidagicha: 1-o‘rin — Damas avtomobili (3 ta); 2-o‘rin — 20 mln so‘m (3 nafar o‘quvchiga); 3-o‘rin — 10 mln so‘m (3 nafar o‘quvchiga). “Bunday loyihalar o‘quvchilarimizni o‘z ustida ishlashga undaydi va bilimga qiziqishini oshiradi”, — dedi Hilola Umarova. Avvalroq, xalqaro fan olimpiadalari g‘oliblariga pul mukofotlari 5 barobarga oshirilishi ma’lum qilingandi.

Tojikistonning Xo‘jand shahridagi sammit madaniy dasturi doirasida O‘zbekiston prezidenti Shavkat Mirziyoyev, Tojikiston prezidenti Imomali Rahmon va Qirg‘iziston prezidenti Sadir Japarov Xo‘jand qal’asiga tashrif buyurib, uning tarixi bilan tanishdi. Qayd qilinishicha, bu noyob majmuaning qurilishi miloddan avvalgi IV-V asrlarga borib taqaladi. Arxeologik qazishmalar natijasida o‘sha davrda birinchi qal’a bunyod etilganligi aniqlangan. 1999 yilda qayta ta’mirlash ishlaridan so‘ng qal’a yonida 28 mingdan ortiq eksponatni o‘z ichiga olgan o‘lkashunoslik muzeyi ochildi. So‘nggi restavratsiya ishlari jarayonida qal’a devorlari, arki va darvozalari qayta tiklandi, ma’muriy bino, hunarmandchilik do‘konlari qurildi, Xo‘jandning qadimiy hovlilari namunalari yaratildi. Hududda tojik xalqi tarixi va madaniyatiga oid 5 ta ko‘rgazma zalidan iborat majmua barpo etilgan. 8 ta hovlida hunarmandlar xattotlik, rassomchilik, adras to‘qish, so‘zana tikish, tosh o‘ymakorligi, temirchilik va kulolchilik bilan shug‘ullanmoqda. Davlat rahbarlari uch mamlakatning hunarmandchiligi, qishloq xo‘jaligi mahsulotlari va milliy taomlari ko‘rgazmasini ko‘zdan kechirib, badiiy chiqishlarni tomosha qildi.

Andijon viloyati Izboskan tumanidagi masjid tahoratxonasida gaz portlashi oqibatida uch kishi halok bo‘lib, 10 kishi jarohatlangan. Bu haqda FVV matbuot xizmatining holat yuzasidan qo‘shimcha ma’lumotida ma’lum qilindi. «Bugun, 31 mart kuni soat 12:19 da Andijon viloyati, Izboskan tumani «Mirzo Ulug‘bek» MFY, Yangibozor ko‘chasida joylashgan masjid hududidagi tahoratxonada gaz-havo aralashmasining chaqnashi sodir bo‘lganligi to‘g‘risida Andijon viloyati FVBga xabar qilingan. Zudlik bilan aytilgan manzilga 2 ta qutqaruv otryadi va 2 ta yong‘in-qutqaruv ekipaji yetib borgan. Hodisa natijasida tahoratxona devor va tom konstruksiyalariga zarar yetgan, yong‘in sodir bo‘lmagan. Chaqnash oqibatida 3 nafar fuqaro M.Abdullayev, J.Anvarov va B.Burxonov halok bo‘lgan, 10 nafar fuqaro G‘.Toyloqov, A.Abdirayimjonov, H.Zuhriddinov, I.Rahimov, M.Mamaturaimov, I.Shomurodov, K.Qosimov, U.Boltaboyev, M.Abdurahmonov va M.Boltaboyev tan jarohati olib, shifoxonaga yuborilgan», deyiladi xabarda. Voqea joyiga viloyat hokimi, FVB, IIB, MG, SSB, prokuratura va «Hududgazta’minot», tuman FVDqT xizmatlari kuch vositalari yetib borib, hodisa oqibatlari bartaraf etilmoqda. Hodisa sodir bo‘lgani xabar qilinganida vodiyda bo‘lib turgan Bosh vazir o‘rinbosari O.Ramatov hamda Favqulodda vaziyatlar vaziri general-mayor B.Qudratxo‘jayev Izboskan tumaniga yetib borgan. Hozirda mazkur holat yuzasidan dastlabki tergovoldi surishtiruv ishlari olib borilmoqda. Dastlabki xabarlarda jarohatlanganlar soni 6 nafarligi aytilgan, keyinroq bu miqdor 9 nafarga yetgani xabar qilingandi.

«Qishloq xo‘jaligida yerdan foydalanish samaradorligini oshirish va mahsulot yetishtirish hajmini ko‘paytirish bo‘yicha qo‘shimcha chora-tadbirlar to‘g‘risida»gi prezident qarori qabul qilindi. Qarorga ko‘ra, barcha turdagi qishloq xo‘jaligiga mo‘ljallangan yerlarni ijaraga berishda 2025 yil 11 martdan quyidagi tartiblar joriy etiladi: - elektron onlayn auksion savdosini o‘tkazish to‘g‘risidagi xabarnomani e’lon qilish muddati 15 kundan 5 kunga, takroriy savdolarda – 5 kundan 1 kunga qisqartiriladi; - takroriy savdolarda faqat bir nafar talabgordan ariza kelib tushgan taqdirda, unga ushbu savdoda e’lon qilingan narxda lotni ixtiyoriy sotib olish taklif etiladi; - har takroriy savdoda lot narxi 10 foizdan bosqichma-bosqich boshlang‘ich narxning 20 foiziga tushganiga qadar pasaytiriladi. 2025 yil 1 apreldan auksion savdolarida yer uchastkasiga ijara huquqini olish uchun to‘lovlarni bo‘lib-bo‘lib to‘lash va to‘lov to‘liq to‘langanda chegirma berish tartibi bekor qilinadi, ushbu to‘lovlar 15 ish kuni ichida to‘liq to‘lanishi shartligi belgilandi. 2025–2026 yillarda auksion savdolariga chiqariladigan qishloq xo‘jaligiga mo‘ljallangan yerlar jami maydonining o‘rtacha 10–20 foizi chorva uchun ozuqa ekinlarini ekish sharti bilan savdoga chiqariladi.

Ijtimoiy tarmoqlarda tarqalgan xabarlarga ko‘ra, Buxoro tumanidagi xususiy bog‘chalardan birida 1,5 yoshli bola tok urib vafot etgan, deb Uz24.uz xabar berdi. Viloyat maktabgacha va maktab ta’limi boshqarmasi holat nazoratga olinganini ma’lum qildi. Rasmiy ma’lumotlarga ko‘ra, voqea 28-mart kuni sodir bo‘lgan, marhum bola 2023-yilda tug‘ilgan. Huquqni muhofaza qiluvchi organlar tomonidan holat yuzasidan tergov-surishtiruv ishlari boshlangan.

1-apreldan 6-aprelgacha Samarqandda oliy ta’lim muassasalari talabalari yirik xalqaro tadbirlar munosabati bilan qisqa muddatli ta’tilga chiqadi, deb Minvuz matbuot xizmati xabar berdi, deb Nova24.uz xabar berdi. Quyidagi oliy o‘quv yurtlari talabalari ta’tilga chiqadi: Samarqand davlat universiteti; Samarqand iqtisodiyot va servis instituti; “Ipak yo‘li” xalqaro turizm va madaniy meros universiteti; Samarqand davlat chet tillar instituti (markaziy bino); Toshkent axborot texnologiyalari universitetining Samarqand filiali; Samarqand davlat tibbiyot universiteti; O‘zbek-fin pedagogika instituti. O‘tkazib yuborilgan mashg‘ulotlar yozgi ta’tilning ilk kunlarida to‘liq qayta o‘tiladi. Avvalroq Samarqandga kirish vaqtincha cheklanishi haqida xabar berilgandi. Ushbu cheklovlar bir necha kun davomida amal qiladi.

Andijon viloyati Izboskan tumanida joylashgan masjidda gaz portladi. Bu haqda FVV xabar berdi. Ma’lum qilinishicha, Izboskan tumani “Mirzo Ulug‘bek” MFY hududida joylashgan masjidlaring birida havo-gaz aralashmasining chaqnashi sodir bo‘lgani haqida Andijon viloyati FVBga xabar kelib tushgan. Hodisa sodir bo‘lgan joyga viloyat hokimi Shuhratbek Abdurahmonov boshchiligida barcha mutasaddi mas’ullar yetib kelgan, hozirda vaziyat to‘liq nazoratga olingan. Dastlabki ma’lumotlarga ko‘ra, 6 nafar fuqaro tan jarohati olgan. Qo‘shimcha ma’lumotlar ma’lum qilinadi. Foto: FVV

Tojikistonning Xo‘jand shahrida O‘zbekiston prezidenti Shavkat Mirziyoyev, Qirg‘iziston prezidenti Sadir Japarov va Tojikiston prezidenti Emomali Rahmon ishtirokida uch davlat rahbarlarining uchrashuvi bo‘lib o‘tdi. Uchrashuvda “do‘stlik, yaxshi qo‘shnichilik munosabatlari, o‘zaro tushunish, o‘zaro hurmat va ishonchni yanada mustahkamlashga, shuningdek, mamlakatlar va birodar xalqlar o‘rtasidagi konstruktiv va samarali hamkorlikka xizmat qilishiga” ishonch bildirilgan.

“Aholi tomorqalari va dehqon xo‘jaliklari yer maydonlaridan samarali foydalanishning qo‘shimcha chora-tadbirlari to‘g‘risida”gi Vazirlar Mahkamasi qarori e’lon qilindi. Unda aholi tomorqasi va ijara asosida ajratilgan yer maydonlaridan samarali foydalanishni tashkil etish tartibi tasdiqlandi. Qaror bilan tasdiqlangan nizomga ko‘ra, aholi tomorqalari va ijara huquqi asosida ajratilgan yer maydonlarida ekin ekilishi ustidan nazorat: mahalla darajasida — “mahalla yettiligi” va “mahalla banklari”; tuman darajasida — tuman (shahar) shtablari hamda tuman (shahar) hokimlarining tegishliligi bo‘yicha o‘rinbosarlari boshchiligidagi ishchi guruhlar; hudud darajasida — Qoraqalpog‘iston Vazirlar Kengashi raisining hamda viloyatlar hokimlarining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosarlari boshchiligidagi ishchi guruhlar tomonidan amalga oshiriladi. Ijara yer maydonlarida dehqon xo‘jaligi tomonidan ekish ishlari amalga oshirilmaganda (fors-major holatlari bundan mustasno) tuman (shahar) shtablari tomonidan yer maydonlarini ikkilamchi ijaraga berish choralari ko‘riladi. Bunda tijorat banklari, tuman (shahar) kambag‘allikni qisqartirish va bandlik bo‘limlari tomonidan: kamida 40 gektar yer uchastkasida “bir kontur — bir mahsulot” tamoyili asosida yuqori daromadli va eksportbop qishloq xo‘jaligi mahsulotini yetishtirish bo‘yicha namunaviy loyihalar amalga oshiriladi; qolgan konturlardagi ijaraga olingan yer uchastkalarida mahsulot yetishtirishni tashkil etish uchun ishchi guruhlarga yetakchi tadbirkorlarni jalb qilgan holda loyihalar amalga oshirilishida ko‘maklashiladi. “Mahalla yettiligi” xulosasiga asosan aholi tomorqalari va ijaraga olingan yer maydonlariga ekin ekmagan yoki samarasiz foydalanayotgan shaxslarga nisbatan quyidagi ta’sirchan choralar ko‘riladi: tomorqa yer egalari va dehqon xo‘jaliklariga davlat dasturlari doirasida imtiyozli kreditlar berilmaydi; Ijtimoiy himoya yagona reyestriga kiritilgan fuqarolar uchun nazarda tutilgan imtiyozlar to‘xtatiladi; “Onlayn mahalla” elektron platformasi ma’lumotlari asosida ekin ekilmagani aniqlangan yil uchun yer solig‘i stavkasi uch karra miqdorida hisoblanadi.

O‘zbekiston Respublikasi Prezidenti Shavkat Mirziyoyev Xo‘jand shahriga kelgach, Tojikiston Respublikasi Prezidenti Emomali Rahmon bilan uchrashuv o‘tkazdi. Oliy darajadagi kelishuvlarni amalga oshirish doirasida ikki tomonlama do‘stlik, strategik sheriklik va ittifoqchilik munosabatlarini yanada rivojlantirishning dolzarb masalalari muhokama qilindi. Suhbat avvalida davlat rahbarlari muborak Ramazon hayiti bilan bir-birlarini va birodar xalqlarimizni samimiy tabrikladilar. O‘zbekiston bilan Tojikiston o‘rtasidagi ko‘p qirrali hamkorlik yuksak darajaga ko‘tarilgani katta mamnuniyat bilan qayd etildi. 2024 yilda tovar ayirboshlash hajmi 700 million dollardan oshdi. Sanoat, energetika, elektrotexnika, to‘qimachilik, qishloq xo‘jaligi va boshqa ustuvor sohalarda kooperatsiya loyihalari muvaffaqiyatli amalga oshirilmoqda. Samarali hudulararo aloqalar va faol madaniy-gumanitar almashinuv yo‘lga qo‘yilgan. Hukumatlararo komissiyaning bo‘lajak yig‘ilishida amaliy hamkorlik bo‘yicha qo‘shma loyihalarni tezlashtirish choralari ishlab chiqilishi muhim ekani ta’kidlandi. Yetakchilar mintaqaviy kun tartibi, shu jumladan mamlakatimizda o‘tkaziladigan ko‘p tomonlama sammitlar yuzasidan ham fikr almashdilar.

“O‘zgidromet” 31 mart, dushanba kuni uchun ob-havo prognozini e’lon qildi. Unga ko‘ra: Toshkent shahrida havo bir oz bulutli, vaqti-vaqti bilan o‘zgaruvchan bo‘ladi, yog‘ingarchilik kutilmaydi. Shamol sharqdan 3-8 metr/sekund tezlikda esadi. Harorat kechasi 6-8 daraja iliq, kunduzi 20-22 daraja iliq bo‘ladi. Qoraqalpog‘iston Respublikasi va Xorazm viloyatida havo bir oz bulutli, ba’zi joylarda o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, ayrim joylarda 13-18 m/ gacha kuchayishi mumkin. Harorat kechasi 4-9 daraja iliq, kunduzi 22-27 daraja iliq bo‘ladi. Navoiy va Buxoro viloyatlarida havo bir oz bulutli, ba’zi joylarda o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi, ayrim joylarda 13-18 m/ gacha kuchayishi mumkin. Harorat kechasi 5-10 daraja iliq, kunduzi 23-28 daraja iliq bo‘ladi. Toshkent, Sirdaryo Jizzax va Samarqand viloyatlarida havo bir oz bulutli, ba’zi joylarda o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 3-8 daraja iliq, kunduzi 20-25 daraja iliq bo‘ladi. Qashqadaryo va Surxondaryo viloyatlarida havo bir oz bulutli, ba’zi joylarda o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 7-12 daraja iliq, kunduzi 23-28 daraja iliq bo‘ladi. Andijon, Namangan va Farg‘ona viloyatlarida havo bir oz bulutli, ba’zi joylarda o‘zgaruvchan bo‘ladi, yog‘ingarchilik kutilmaydi.Shamol sharqdan 5-10 metr/sekund tezlikda esadi. Harorat kechasi 3-8 daraja iliq, kunduzi 20-25 daraja iliq bo‘ladi. Respublikaning tog‘oldi va tog‘li hududlarida havo bir oz bulutli, ba’zi joylarda o‘zgaruvchan bo‘ladi, yog‘ingarchilik kutilmaydi. Shamol sharqdan 7-12 metr/sekund tezlikda esadi. Harorat kechasi 0-5 daraja iliq, kunduzi 10-15 daraja iliq bo‘ladi. “O‘zgidromet” aprel oyi uchun prognozini ham e’lon qilgan. Unga ko‘ra, oy quruq ob-havo bilan boshlanadi. Aprelning birinchi besh kunligida havo harorati 22-25 daraja iliqdan 27-30 daraja iliqqacha, shimolda, janubda va cho‘l hududlarda 32 daraja iliqqacha ko‘tarilishi kutilmoqda.

Foto: Telegram / Saida Mirziyoyeva O‘zbekiston prezidenti yordamchisi Saida Mirziyoyeva 29 mart kuni O‘g‘iljahon Gurbanguliyevna Atabayeva taklifiga binoan Turkmanistonda tashkil etilgan «Tinchlik va ishonch yili: bolalar uchun xalqaro faoliyatni rivojlantirish» nomli xalqaro konferensiyada ishtirok etdi. Foto: Telegram / Saida Mirziyoyeva «Xalqlarimizni nafaqat qo‘shnichilik, balki asrlar davomida shakllangan qon-qardoshlik aloqalari, umumiy madaniyat va buyuk tarix bog‘lab turadi. Ayniqsa, Gurbanguli Berdimuhamedov nomidagi xayriya jamg‘armasining faoliyati menda katta taassurot qoldirdi — bu bolalarga g‘amxo‘rlik, mas’uliyat va samimiy muhabbatning yorqin namunasidir», deb yozdi Saida Mirziyoyeva. Uning ta’kidlashicha, forum kelajak avlodlar manfaati uchun hamjihatlikda ishlash, tajriba almashish va o‘zaro samarali aloqalar uchun yangi imkoniyatlar ochadi. Foto: Telegram / Saida Mirziyoyeva «Biz hamkorlikka doim tayyormiz va birgalikda farzandlarimiz uchun bundan ham ko‘proq ishlarni qila olishimizga ishonchimiz komil. Chunki ularning baxti — bizning umumiy kelajagimizdir», deb yozdi Saida Mirziyoyeva.

Toshkentlik o‘quvchi qiz tibbiyot yo‘nalishida muddatidan oldin maksimal 189 ballni qo‘lga kiritdi, deb Talimxabarlari.uz xabar berdi. Toshkent viloyati, Olmaliq shahri 10-maktabning 11-sinf o‘quvchisi Madina Baymakova tibbiyot yo‘nalishi uchun belgilangan maksimal 189 ballni muddatidan oldin qo‘lga kiritdi. U milliy sertifikat imtihonlarida quyidagi natijalarga erishgan: Biologiya – A Kimyo – A Matematika – B Tarix – C+ Ona tili – B Madina biologiya va kimyo fanlaridan milliy sertifikatlarni 2024-yil 1-martgacha olgan. Amaldagi tartibga ko‘ra, agar abituriyent ushbu fanlardan 86 va undan yuqori ball olsa, unga 100 foizlik natija beriladi. Shu sababli, bu fanlar maksimal ball bilan baholangan. Madinaning bu yutug‘i uning bilimga bo‘lgan intilishi va mehnatsevarligining yaqqol natijasidir.

Markaziy Osiyo davlatlari, jumladan O‘zbekistonda, ulamolarning hisob-kitoblariga ko‘ra, 2025 yildagi Ramazon oyi 29 kunda yakunlanmoqda. Shu sababli O‘zbekiston musulmonlari idorasi Ramazon hayiti 30 mart, yakshanba kuniga to‘g‘ri kelishi haqida ma’lum qildi. Shuningdek, diniy idora Fatvo bo‘limi 29 kunlik ro‘za tutishning hukmi haqida tushuntirish berdi. Dunyodagi ko‘plab mamlakatlarda amal qilinadigan hijriy-qamariy taqvim oyning falakdagi harakatiga asoslanadi. Hilol (yangi oy) ko‘ringandan keyingi kun yangi oyning birinchi kuni hisoblanadi. «Hijriy-qamariy oylar 29 yoki 30 kun bo‘ladi. Shu sababli hijriy-qamariy yil 354-355 kun bo‘lib, milodiy yildan 10-11 kun kam bo‘ladi. Milodiy sana oylari 28 yoki 29 hamda 30 yo 31 kunlik bo‘lgani kabi hijriy oylar, jumladan, Ramazon oyi ham gohida 29, gohida 30 kunlik bo‘lishi mumkin. Hijriy oyning milodiy oydan farqi shuki, masalan, mart oyi doimiy ravishda 31 kunlik bo‘lsa, hijriy oylar hilolning yangilanishi bilan bog‘liq bo‘lgani uchun qaysi oy necha kunlik bo‘lishi oyning ko‘rinishiga qarab aniqlanadi… Islom dini ta’limotlarida muborak Ramazon oyi va hayiti kunini belgilashda Payg‘ambarimiz Muhammad sollallohu alayhi va sallamning «Yangi oyni ko‘rib ro‘za tutinglar va yangi oyni ko‘rib hayit qilinglar», degan hadisi shariflari asos qilib olingan. Nabiy sollallohu alayhi vasallam oxiratga rihlat qilgunlariga qadar to‘qqiz yil Ramazon ro‘zasini tutganlar. Shulardan aksarida yigirma to‘qqiz kunlik, ozrog‘ida o‘ttiz kunlik bo‘lgan. Bu borada Abdulloh ibn Mas’ud roziyallohu anhudan rivoyat qilingan hadisda zikr qilingan: «Rasululloh sollallohu alayhi vasallamning davrlarida 29 kun tutgan ro‘zamiz 30 kun tutganimizdan ko‘proq edi» (Imom Ahmad rivoyati). Demak, Ramazon oyi necha kun bo‘lsa, shuncha kun ro‘za tutiladi va o‘sha mukammal ro‘za hisoblanadi. Shunga ko‘ra, hech kim o‘zicha Ramazon doim o‘ttiz kun bo‘ladi, deb hukm chiqarishi aslo to‘g‘ri emasdir. Bunday deyish sahih hadislar va ulamolar ijmosi (ittifoqi)ga ziddir. Ramazon oyi 29 kunlik bo‘lib kelgan taqdirda ham biz oyat va hadislarga muvofiq bir oy mukammal ro‘za tutgan bo‘lamiz», deyiladi O‘zbekiston musulmonlari idorasi Fatvo markazi bayonotida. O‘zbekiston musulmonlari idorasi Ramazon hayiti 30 mart, yakshanba kuniga to‘g‘ri kelayotgani munosabati bilan hayit namozi vaqtlarini e’lon qilgan edi.

O‘zbekiston prezidenti Shavkat Mirziyoyev amaliy tashrif bilan Olmaota shahriga keldi. Mehmonni aeroportda Qozog‘iston prezidenti Qosim-Jo‘mart To‘qayev kutib oldi. Tashrifdan maqsad – norasmiy uchrashuv o‘tkazish. “Kun tartibidan savdo, sanoat kooperatsiyasi, transport va logistika, energetika, qishloq va suv xo‘jaligi sohalarida amaliy hamkorlikni kengaytirish, shuningdek, hududlar o‘rtasidagi faol aloqalar va madaniy-gumanitar almashinuvni davom ettirish masalalari o‘rin olgan. Davlat rahbarlari xalqaro siyosat va mintaqaviy hamkorlik masalalari yuzasidan ham fikr almashadilar”, – deyiladi O‘zbekiston prezidenti matbuot xizmati xabarida. Prezidentlar “Medeu” tog‘-chang‘i klasterini borib ko‘rishdi. Shavkat Mirziyoyevga sel-suv toshqinlaridan himoya qilish maqsadida dengiz sathidan 1750 metr balandlikda qurilgan “Medeu” to‘g‘onining yaratilish tarixi va arxitekturaviy xususiyatlari haqida so‘zlab berildi. “Medeu” to‘g‘onining tepasiga 842 pog‘onadan iborat “Salomatlik zinapoyasi” olib boradi. 2011 yilda to‘g‘on yonida “Shimbuloq” tog‘-chang‘i maskaniga eltuvchi 4,5 km uzunlikdagi dor yo‘li qurilgan. “Medeu” sport majmuasi 1972 yilda barpo etilgan bo‘lib, dengiz sathidan 1700 metr balandlikda joylashgan. Majmua muz maydonining yuzasi 10,5 ming kvadrat metr bo‘lib, bir vaqtda 3 ming nafargacha kishini qabul qila oladi. Har yili unga 400 mingdan ortiq mehmon tashrif buyuradi. Bugungi kunda majmua sport, turizm va madaniyat klasteri sifatida faoliyat yuritmoqda. Sport musobaqalari, ommaviy konki uchish, madaniy tadbirlar, festivallar muntazam o‘tkazib kelinmoqda. 2011 yilda bu yerda VII qishki Osiyo o‘yinlari, 2017 yilda Butunjahon Universiada musobaqalari o‘tkazilgan. Tanishuv chog‘ida O‘zbekiston va Qozog‘iston prezidentlari yosh figurali uchuvchilarning ko‘rgazmali chiqishlarini tomosha qilishdi. Foto: Prezident matbuot xizmati

Foto: Migratsiya agentligi O‘zbekiston delegatsiyasi Slovakiyaning qator rasmiy idoralari, xususan, Ichki ishlar, Tashqi ishlar, Mehnat, ijtimoiy masalalar va oila vazirliklari mutasaddilari bilan muzokaralar o‘tkazdi. Asosiy e’tibor qonuniy migratsiyani qo‘llab-quvvatlash, Slovakiyadagi bo‘sh ish o‘rinlariga O‘zbekistondan mutaxassislarni jalb qilish, ishchi vizalarining chiqish muddatlarini qisqartirish kabi masalalarga qaratildi. Slovakiya tomoni o‘tgan yili Markaziy Osiyo mamlakatlari fuqarolari uchun jami 3000 ta kvota ajratilgani, biroq tez orada ko‘pchiligi Slovakiyani tark etib, Yevropa Ittifoqining boshqa mamlakatlariga o‘tib ketganini alohida ta’kidladi. Bu noqonuniy migratsiyaga hissa qo‘shishi bildirildi. Shu kabi masalalarga yechim sifatida migratsiya oqimini raqamlashtirish ustida birgalikda ishlashga, O‘zbekiston uchun kvotalarni alohida belgilashga kelishib olindi. Shuningdek, ikki davlat o‘rtasida migratsiya jarayonlarini tartibga solishga qaratilgan Hukumatlararo bitim loyihasi ishlab chiqilishi va tez orada ijobiy qarorlar qabul qilinishiga ishonch bildirildi.

O‘zbekistonda umumiy o‘rta ta’lim tizimi tubdan o‘zgarishlarga yuz tutmoqda. Bu haqida Upl.uz xabar berdi. Mamlakatda rasmiy ravishda 12 yillik ta’lim modeli joriy etilishi boshlandi. Bu haqda Maktabgacha va maktab ta’limi vazirligi matbuot xizmatidan ma’lum qilindi. Yaqin kunlarda ushbu yangiliklarni tasdiqlovchi normativ-huquqiy hujjat imzolanishi kutilmoqda. Ushbu qaror ta’lim sohasini isloh qilish bo‘yicha keng qamrovli dastur doirasida qabul qilindi. Dastur prezidentga 8 sentyabr kuni taqdim etilgan bo‘lib, u maktabgacha ta’limdan tortib oliy ta’limgacha bo‘lgan barcha bosqichlarni tizimli yangilashni ko‘zda tutadi. 12 yillik ta’limga o‘tish xalqaro tajribaga moslashish maqsadida amalga oshirilmoqda. 2022 yilda o‘tkazilgan PISA tadqiqot natijalari shuni ko‘rsatdiki, ta’limda yetakchi hisoblangan 85 foiz mamlakatlarda o‘quv yillari soni aynan 12 yilni tashkil etadi. Yangi model joriy etilishi o‘quv dasturlarini xalqaro standartlarga moslashtirishga, shuningdek, o‘quvchilarni keyingi bilim olish va kasbga tayyorlash bosqichlariga sifatli tayyorlashga imkon beradi. Yangilangan tizim tuzilmasi quyidagicha bo‘ladi: birinchi yil 6 yoshdagi bolalar uchun maktabga tayyorgarlik bosqichi sifatida belgilangan bo‘lib, u boshlang‘ich ta’limning bir qismi hisoblanadi. Boshlang‘ich ta’lim umumiy 5 yilni tashkil etadi, bunda 1 yil tayyorgarlik va 4 yil boshlang‘ich maktab o‘quvi mavjud. Keyingi bosqich 5-9-sinflarni o‘z ichiga olgan asosiy umumiy o‘rta ta’lim bo‘lib, 5 yil davom etadi. So‘nggi 2 yil esa to‘liq umumiy o‘rta ta’lim bosqichi bo‘lib, u maktablar, akademik litseylar, ixtisoslashtirilgan harbiy maktablar yoki texnikumlarda olib boriladi. O‘tish jarayonini silliq tashkil etish va zarur infratuzilmani yaratish maqsadida 3600 ga yaqin yangi maktablar qurilishi va mingdan ortiq davlat bog‘chalari ochilishi rejalashtirilgan. Aynan shu muassasalarda eng kichik o‘quvchilar uchun yangilangan tayyorgarlik dasturi sinovdan o‘tkaziladi. Qiziqarli jihati shundaki, 12 yillik ta’limga o‘tish haqida ma’lumotlar 2023 yildan boshlab ijtimoiy tarmoqlarda faol muhokama qilinar edi. Ammo o‘sha paytda Maktabgacha va maktab ta’limi vazirligi bu gaplarni rasman rad etgan, amalda 11 yillik ta’lim amal qilganini ta’kidlagan. Hozirgi qaror davlat darajasida yondashuvlar qayta ko‘rib chiqilganini va keng ko‘lamli islohotlarni amalga oshirishga siyosiy iroda borligini ko‘rsatadi. Mustaqil O‘zbekiston tarixida ilgari ham 12 yillik ta’lim tizimi mavjud bo‘lgan. 2010 yildan 2017 yilgacha ta’lim 9+3 sxemasi asosida tashkil etilgan bo‘lib, unda 9-sinfni tamomlagan o‘quvchilar majburiy ravishda kasb-hunar kollejlari va akademik litseylarida ta’lim olishgan.

O‘zbekiston poytaxtida og‘ir jinoyat sodir bo‘ldi. Bu haqida Upl.uz xabar berdi. Millar telekanali tomonidan berilgan ma’lumotga ko‘ra, 2022 yilda o‘z qizini ayiq zo‘riqishiga tashlab ketgan ayol uch yil o‘tib, qizini o‘ldirgan. Jinoyat hodisasi Toshkent shahrining Sergeli tumanida yuz berdi. Ma’lum bo‘lishicha, ayol ayiq bilan bog‘liq voqeadan so‘ng aqli sog‘lom emas deb topilgan va unga majburiy psixonevrologik muassasada davolanish belgilangan edi. 2023 yil 2 avgustda u ambulator davolanishga o‘tkazilgan. Qizga voqea yuz berganidan so‘ng tibbiy yordam ko‘rsatilgan va u bobosi hamda buvisining parvarishiga berilgan. Sentabr oyining boshida bola ikkinchi sinfga qadam qo‘ygan. Lekin o‘quv yilining boshlanishidan bir hafta o‘tib, ayol qizini oshxona pichog‘i bilan o‘ldirgan. Hozirda gumonlanuvchi ushlangan va unga nisbatan qasddan qotillik bo‘yicha jinoyat ishi qo‘zg‘atilgan.

O‘zbekistonda maktab dasturiga sun’iy intellekt (SI) bo‘yicha fanlarni keng joriy etish rejalashtirilmoqda. Bu haqida Upl.uz xabar berdi. Kelasi o‘quv yilidan boshlab yuqori sinf o‘quvchilari uchun sun’iy intellekt darslari tashkil etiladi. Ushbu qaror prezident raisligida o‘tkazilgan yig‘ilishda ma’lum qilindi. Ushbu tashabbusni amalga oshirish uchun maktablarning texnik jihozlanishini sezilarli darajada yangilash zarur. Belgilangan topshiriqqa ko‘ra, 2000 sinf kompyuterlar bilan ta’minlanadi, 6300 o‘quv xonalariga interaktiv doskalar o‘rnatiladi. Bu maqsadlar uchun zarur moliyaviy mablag‘lar keyingi yil davlat byudjetida ko‘zda tutiladi. Shuningdek, viloyatlarda iste’dodli o‘quvchilarni qo‘llab-quvvatlash maqsadida maxsus maktablarning filiallari ochilishi rejalashtirilgan. Sun’iy intellekt darslarini joriy etish ta’lim tizimini modernizatsiya qilish va yosh avlodni raqamli iqtisodiyot talablariga tayyorlash bo‘yicha keng qamrovli strategiyaning muhim qismidir.

7 sentyabr kuni Angrenda yuz bergan dahshatli avariyada halok bo‘lganlar soni 11 nafarga yetdi. Bu haqida Upl.uz xabar berdi. Dastlab 7 kishi halok bo‘lgani haqida xabar berilgan edi, biroq Farg‘ona viloyati hokimiyatining yangilangan ma’lumotlariga ko‘ra, avariyada yana 4 kishi vafot etdi. Avariya Shacman yuk avtomobili haydovchisi temiryo‘l o‘tish joyida boshqaruvni yo‘qotishi natijasida sodir bo‘ldi. Boshqaruvdan chiqqan yuk mashinasi yo‘lida turgan ikki yuk mashinasi va beshta yengil avtomobil bilan to‘qnashdi. Hodisa vaqtida halok bo‘lganlardan tashqari, besh kishi turli darajadagi tan jarohatlari bilan shifoxonaga yotqizildi, yana to‘rt kishiga esa joyida tibbiy yordam ko‘rsatildi. Farg‘ona viloyati hokimi halok bo‘lganlar va jabrlanganlar oilalariga tibbiy, moddiy hamda psixologik yordam ko‘rsatishni, shuningdek, dafn marosimlarini tashkil etishni topshirdi. Kelajakda shunday fojialarning oldini olish maqsadida transport infratuzilmasi auditi o‘tkazilishi belgilandi. Avariyaning sabablarini o‘rganish va yuk tashish qoidalarini takomillashtirish uchun xorijiy ilg‘or tajriba tahlil qilinadi.

Toshkent shahar Favqulodda vaziyatlar boshqarmasining matbuot xizmatidan olingan dastlabki ma’lumotlarga ko‘ra, Yakasaroy tumanida yong‘in sodir bo‘lgan. Bu haqida Upl.uz xabar berdi. 2024 yil 11 sentabr kuni soat taxminan 12:40 da Toshkent shahar Favqulodda vaziyatlar boshqarmasiga plastik quvurlar ishlab chiqarish sexida yong‘in haqida xabar kelib tushdi. Hodisa poytaxtning Yakasaroy tumanidagi Kushbegi ko‘chasida yuz berdi. Yong‘in joyiga yetib borish uchun olti daqiqa vaqt ketdi. Yong‘inni o‘chirishga yong‘in-qutqaruv bo‘linmalari darhol kirishdi. Soat 13:08 da olov mahalliylashtirildi, so‘ng yetti daqiqadan so‘ng to‘liq o‘chirilgan. Hodisa joyiga Favqulodda vaziyatlar vaziri hamda hududiy idoralar rahbarlari kelishdi. Hozirda yong‘inning sabablarini aniqlash maqsadida tergov guruhi ish olib bormoqda. Rasmiy ravishda hodisa yuzasidan boshqa ma’lumotlar berilmagan. Shuningdek, jabrlanganlar to‘g‘risida ham xabar yo‘q. Favqulodda vaziyatlar boshqarmasi keyinchalik hodisa haqida to‘liq ma’lumot taqdim etishini bildirgan.

O‘zbekistonda xalq ta’limi tizimini kompleks qayta ko‘rib chiqish e’lon qilindi. Bu haqida Upl.uz xabar berdi. Ushbu tashabbus o‘quvchilarning bo‘sh vaqtini tizimli tashkil etish hamda yoshlarni muhandislik-texnik tayyorgarlik bilan mustahkamlashga qaratilgan. Tegishli takliflar 8 sentabr kuni davlat rahbariga taqdim etildi. Hukumat barcha ta’lim bosqichlarini – maktabgacha ta’limdan oliy ta’limgacha bo‘lgan tizimni o‘z ichiga olgan keng ko‘lamli islohotlarni boshlamoqda. Bu qaror mavjud vaziyat tahliliga asoslangan bo‘lib, unda ma’naviy-ma’rifiy ishlar va o‘quvdan tashqari faoliyatni bir xilda tashkil etishdagi kamchiliklar aniqlangan. Natijada, o‘quvchilarning to‘la salohiyatini ochish qiyinlashmoqda. Ushbu muammoni hal etish maqsadida milliy g‘oya konsepsiyasi ishlab chiqildi. Bu konsepsiya barcha ma’naviy-ma’rifiy tadbirlarning asosi bo‘lib, ushbu sohada yagona yondashuvni ta’minlaydi. Muhim yangilik sifatida maktab o‘quvchilarining bo‘sh vaqtini tashkil etish uchun vertikal tizim yaratiladi. Mavjud “Barkamol avlod” bolalar maktablari, Respublika yoshlar markazi va “Yoshlar” sport jamiyati bazasida ko‘p profilli “Kelajak” markazlari tashkil etiladi. Shuningdek, maktablarda o‘quvchi tashabbuslarini qo‘llab-quvvatlash bo‘yicha maslahatchi lavozimi joriy etiladi. Bu mutaxassis o‘quvchi loyihalarini muvofiqlashtirish va rivojlantirish bilan shug‘ullanadi. Maktabgacha ta’limni rivojlantirishga alohida e’tibor qaratiladi. Bolalar bog‘chalari qamrovi 80 foizdan past bo‘lgan hududlarda xususiy investorlarni jalb qilish faol olib boriladi. Davlat davlat-xususiy sheriklik asosida yangi maktabgacha ta’lim muassasalarini barpo etishni rag‘batlantiradi, mavjud bog‘cha hududlari yoki maktab bo‘sh joylarida bepul yer maydonlari ajratiladi. Tadbirkorlar faoliyat turini saqlab qolgan taqdirda, 7 yilgacha imtiyozli kreditlar olish imkoniyatiga ega bo‘ladi. 2026-2028 yillar davomida mamlakat bo‘ylab “Yangi avlod” nomli zamonaviy rivojlanish markazlari bilan jihozlangan maktabgacha ta’lim muassasalari tarmog‘i tashkil etiladi. Islohotlarning ustuvor yo‘nalishi sifatida texnik va muhandislik tayyorgarlik kuchaytiriladi. Respublikada 14 ta maxsus muhandislik maktablari ochiladi. Unga qabul tanlov asosida amalga oshiriladi va ta’lim davlat budjetidan to‘liq moliyalashtiriladi. Ta’lim jarayoni besh yillik STEM dasturi asosida tashkil etiladi, bunda “Yangi O‘zbekiston” universiteti hamda Mirzo Ulug‘bek nomidagi maxsus maktab tajribasi integratsiya qilinadi. Muhandislik kasblarining obro‘sini oshirish maqsadida 2026 yildan boshlab “Eng yaxshi muhandislik maktabi” milliy tanlovi davlat rahbari sovriniga ega bo‘ladi. Tabiiy fanlarni o‘qitishni takomillashtirish uchun profil maktablar tarmog‘i yaratiladi. Ularning yetakchisi sifatida Toshkentdagi Abu Ali ibn Sino nomidagi maktab faoliyat yuritadi. Oliy ta’lim tizimida ham o‘zgarishlar rejalashtirilgan: poytaxtda Moskva davlat texnika universiteti nomidagi filial ochilishi, shuningdek TashTech texnika universiteti va Olmaliq davlat texnika instituti tashkil etilishi ko‘zda tutilgan. O‘zbekistonda aholining savodxonlik darajasi 100 foizni tashkil etadi, bu dunyodagi eng yuqori ko‘rsatkichlardan biridir. Bu ta’lim tizimining asosiy yutug‘i bo‘lib, tarixan barcha uchun asosiy ta’limga teng imkoniyat yaratishga katta e’tibor qaratilgan.

O‘zbekiston va Markaziy Osiyo mintaqasidagi hamkorlarga eʼtibor! Bu haqida Upl.uz xabar berdi. Toshkentdagi Xalqaro ko‘rgazmalar markazida yaqin kunlarda Xitoy va Markaziy Osiyo imkoniyatlarini birlashtiruvchi yirik tadbir ochiladi. 2025 yil 16-18 sentyabr kunlari O‘zbekistonda Xitoy-Markaziy Osiyo savdo ko‘rgazmasi kengaytirilgan formatda o‘tkazilib, sizga Xitoy bozoriga kirish imkoniyatlarini taqdim etadi. Ushbu ko‘rgazmada uchta asosiy yo‘nalish – yangi biznes imkoniyatlari taqdim etiladi. Texnologiyalar va ekologik rivojlanish bir joyda namoyish etiladi. Ko‘rgazmada Xitoyning ilg‘or yutuqlari, jumladan Gree kompaniyasining “Oilaviy intellektual yechimlari”, Hisense’ning “Ultraaniq displey texnologiyasi”, shuningdek, Zhejiang Hangcha va North Heavy Industry kabi yetakchi kompaniyalarning energiya tejamkor texnikalari va aqlli kon uskunalari taqdim etiladi. Tadbirda taxminan 200 dan ortiq yetakchi Xitoy kompaniyalari ishtirok etadi. Eksponatlar sensorli terminallardan tortib, biomimetik robotlar, sunʼiy intellekt asosidagi diagnostika va davolash tizimlarigacha bo‘lgan eng innovatsion sohalarni qamrab oladi. Ochilish kuni Xitoy va O‘zbekiston rasmiy idoralari vakillari, savdo-sanoat uyushmalari va kompaniyalar ishtirokida savdo va investitsiyalar bo‘yicha forum o‘tkaziladi. Maxsus maydonlarda brendlarni taqdim etish va soha bo‘yicha muzokaralar tashkil etiladi. Talablar va takliflar onlayn tarzda real vaqt rejimida eʼlon qilinadi, bu esa ko‘rgazma davomida to‘g‘ridan-to‘g‘ri xarid va hamkorlikni boshlash imkonini beradi. Shuningdek, tadbir doirasida Xitoy madaniyatini yaqinroq tanish uchun milliy imidj zonasi tashkil etiladi. Bu yerda kaligrafiya ustaxonasi, choy marosimi va qog‘oz kesish sanʼati bo‘yicha mahorat darslari o‘tkaziladi, bu esa tashrif buyuruvchilarga Xitoy madaniyati muhitini his qilish imkonini beradi. Ko‘rgazmada oltita asosiy yo‘nalish va milliy imidj zonasi namoyish etiladi: aqlli ishlab chiqarish va sanoat uskunalari, yashil energetika va energiya saqlovchilar, elektron texnologiyalar, aqlli transport, ekologik qurilish materiallari hamda raqamli savdo va xizmatlar. Eng istiqbolli sohalar, jumladan yangi energiya manbalariga ega avtomobillar, mexanik uskunalar, ekologik qishloq xo‘jaligi, maishiy elektronika va raqamli xizmatlar keng ko‘lamda taqdim etiladi. Xitoy kompaniyalari so‘nggi yutuqlarini olib kelib, bevosita hamkorlikka tayyor ekanliklarini bildiradi. Siz texnologik yangilanishni izlayotgan korxona yoki Markaziy Osiyoda o‘z brendini kengaytirmoqchi bo‘lgan tashkilot bo‘lsangiz, ushbu ko‘rgazma 2025 yil uchun muhim biznes voqeangizga aylanadi. Sizni hamkorlikka taklif qilamiz. Keling, Xitoy va O‘zbekiston o‘rtasidagi yangi imkoniyatlarni ochaylik. Bu tadbir Markaziy Osiyo savdo tarixida muhim bosqich bo‘ladi. Siz tayyormisiz?

Ichki ishlar vazirligi matbuot xizmatida ma’lumot berildi. Bu haqida Upl.uz xabar berdi. Ma’lum qilinishicha, O‘zbekistonga Interpol tomonidan xalqaro qidiruvga berilgan ikki jinoyatchi olib kelindi. Jumladan, Polsha davlatidan jinsiy zo‘ravonlik sodir etgan va mamlakatdan qochib ketgan fuqaro ekstraditsiya qilindi. Shuningdek, noqonuniy migratsiyaga qarshi kurash doirasida Amerika Qo‘shma Shtatlari tomonidan 39 nafar O‘zbekiston fuqarosi deportatsiya qilindi. Ularning orasida, alohida katta miqdorda firibgarlik jinoyatini sodir etgani uchun Interpol tomonidan qidiruvga berilgan shaxs ham bor edi. Ushbu holatlar O‘zbekiston huquq-tartibot organlarining xorijiy davlatlar, xususan, Polsha va AQSh bilan yaqin hamkorligi natijasida amalga oshirildi. Bu hamkorlik qidiruvda bo‘lgan jinoyatchilarni ushlash va ularni javobgarlikka tortishda samaradorlikni oshirmoqda. Qo‘lga olingan shaxslar Islom Karimov nomidagi Toshkent xalqaro aeroportida kutib olindi va ular tegishli huquqni muhofaza qiluvchi organlarga topshirildi. Endilikda ular ustidan qonuniy choralar ko‘riladi.