Toshkent shahrida buyuk rus shoiri Sergey Yeseninning haykali o‘rnatilishi masalasi faol muhokama qilinmoqda. Bu haqida Upl.uz xabar berdi.
Bu haqda TASS agentligiga Sergey Bezrukov ma’lum qildi. U Yesenin rolini ijro etgan mashhur aktyor sifatida tanilgan.
Uning so‘zlariga ko‘ra, joy tanlashda qiyinchiliklar bo‘lishiga qaramay, muzokaralar ilg‘or bosqichda davom etmoqda va loyiha uchun homiylar topilgan. Tez orada haykal tantanali ravishda o‘rnatilishiga umid bildirilmoqda.
Aktyor sobiq Sovet Ittifoqi hududida Sergey Yeseninning xotirasini asrashga chuqur qiziqish bildirgan. Toshkentda allaqachon Sergey Yeseninning ajoyib muzeyi mavjudligi ta’kidlangan.
U shuningdek, bunday muzeylar va haykallar faoliyat yuritib, rivojlanib borayotganidan mamnuniyatini bildirib o‘tdi. Sergey Bezrukov aktyorlik faoliyatini 1994 yilda boshlagan, 2014 yildan beri Moskva gubernator teatrining badiiy rahbari hisoblanadi.
U 70 dan ortiq film va seriallarda rol o‘ynagan hamda 2008 yildan Rossiya xalq artisti unvoniga ega. 2022 yildan boshlab Bezrukov VGIKnin o‘qituvchisi sifatida o‘z tajribasini o‘rtoqlashmoqda.
