Inter Mayami Rodrigoni yaqin kunlarda sotib oladi
Inter Mayami jamoasiga yaqin kunlarda yana bir yulduz futbolchi qo‘shiladi. Bu haqida Euro-football.ru xabar berdi.
Bu futbolchi Madridning Atletiko jamoasida o‘ynayotgan yarim himoyachi Rodrigo de Paul bo‘ladi. Mashhur jurnalist Fabrizio Romano xabariga ko‘ra, tomonlar o‘rtasida kelishuvga erishilgan va bitim yaqin kunlarda rasmiylashtiriladi.
Inter Mayami jamoasi Rodrigoni o‘z safiga qo‘shishga muvaffaq bo‘ldi, shuningdek, Atletiko bilan muzokaralar ham tezda yakunlandi. Argentinalik yarim himoyachi amerikalik klub bilan uzoq muddatli shartnoma imzolaydi.
Hozirgi vaqtda Xavyer Maskerano boshchiligidagi Inter Mayami MLS sharq konferensiyasida beshinchi o‘rinni egallab turibdi. Jamoa yetakchi Sinsinnati klubidan yetti ochko orqada qolmoqda, ammo uchta o‘yin zaxirada saqlanmoqda.
Bu esa Inter Mayami uchun mavsumning qolgan qismida yaxshi natijalarga erishish imkoniyatini beradi.
