Marsel va Yuventus Vea transferida kelisha olmayapti
Marsel klubi Timoti Vea transferi bo‘yicha Yuventus jamoasi bilan muzokaralarni davom ettirmoqda. Bu haqida Euro-football.ru xabar berdi.
Futbolchi Fransiyaga qaytishga tayyor va Roberto de Dzerbi boshqaruvidagi jamoaga qo‘shilmoqchi, ammo klublar o‘rtasida hali kelishuvga erishilmagan. La Gazzetta dello Sport nashrining xabariga ko‘ra, Marsel 25 yoshli futbolchi uchun taxminan 15 million yevro taklif qilmoqda, Yuventus esa 20 million yevro talab qilmoqda.
Timoti Vea 2023 yil yozida Lill klubidan Yuventusga 11 million yevroga o‘tgan. Amerikan futbolchisi Turin jamoasi safida 78 ta o‘yinda maydonga tushib, yetti ta gol urgan va shuncha ham samarali uzatma amalga oshirgan.
Transfermarkt sayti futbolchining qiymatini 17 million yevro deb baholamoqda. Hozirgi muzokaralar natijasi futbolchining kelajagi uchun muhim ahamiyatga ega.
