Ekvadorlik himoyachi Pervis Estupinyan Angliyaning "Brayton" klubidan ketib, Italiya "Milan" klubiga o‘tganligi haqida fikrlarini bildirdi. Bu haqida Euro-football.ru xabar berdi.
U Football Italia nashriga bergan intervyusida Italiyaning eng ko‘p sovrin yutgan jamoalaridan biriga o‘tganidan juda xursand ekanligini ta’kidladi. 27 yoshli futbolchining so‘zlariga ko‘ra, "rossoneri" jamoasida o‘ynash imkoniyati uning uchun oddiy navbatdagi qadam emas, balki uzoq yillik orzusining amalga oshishi hisoblanadi.
Estupinyan bolaligidan buyon shunday buyuk klubda o‘ynashni orzu qilganini aytdi va mehnati o‘z samarasini berganini ta’kidladi. Endi esa u jamoa bilan birgalikda muvaffaqiyatga erishish uchun astoydil harakat qilishni maqsad qilgan.
Shuningdek, "Milan" joriy mavsumni Italiyaning Seriya A chempionatida 8-o‘rinda yakunlab, bir necha yillardan keyin ilk bor Yevrokubklarga chiqolmaganini qo‘shimcha qilish joiz.
