Sobiq Moskva «Spartak» futbolchisi Yevgeniy Lovchev rossiyalik futbolchilarning Yevropaga ketishlari haqida fikr bildirdi. Bu haqida Euro-football.ru xabar berdi.
Uning fikricha, so‘nggi yillarda rossiyalik futbolchilar hali yetuk bo‘lmasdan Yevropaga ketishga harakat qilmoqda. Lovchev ta’kidlashicha, faqat Aleksandr Golovin Yevropada asosiy tarkibda mustahkam o‘yinchiga aylana olgan.
Fedor Chalov, Arsen Zaxaryan va hatto Aleksey Miranchuk bunday darajaga yetishmagan. Lovchev o‘z fikrini davom ettirib, ukrainalik futbolchi Andrey Shevchenko misolini keltirdi.
U 1999-yil yozda Kiyevning «Dinamo» klubidan «Milan»ga o‘tgan. Shevchenko o‘sha paytda yetuk futbolchi bo‘lib, Lobanovskiy uni ushlab turgan, sotmagan.
Milan uni 25 million yevroga sotib olgach, aniq bo‘lganki, bunday katta summa evaziga o‘yinchi zahiraga o‘tkazilmaydi, hatto ikki o‘yinda muvaffaqiyatsizlikka uchrasa ham. Lovchevning so‘zlariga ko‘ra, shunday yondashuvni Sergey Pinyaevga nisbatan ham qo‘llash kerak.
Oldinroq ma’lum bo‘lishicha, bu yozda CSKA Sergey Pinyaevni sotib olishni xohlagan, ammo 20 yoshli futbolchi «Lokomotiv»dan «armeylar» safiga o‘tishni rad etgan. Matbuotda Pinyaev Yevropada o‘zini sinab ko‘rmoqchi ekani haqida xabarlar tarqalgan.
