«Baltika» jamoasining bosh murabbiyi Andrey Talalaev Moskva «Spartak»ining hujumchisi Anton Zabolotniy himoyasiga chiqdi. Bu haqida Euro-football.ru xabar berdi.
Zabolotniy Rossiya Premer Ligasi ikkinchi tur o‘yinida jamoalar o‘rtasidagi bahsda maydonni 7-daqiqada tark etishga majbur bo‘ldi. U Kaliningrad jamoasi futbolchisiga qarshi xavfli harakat qilgani uchun maydondan haydaldi.
Talalaevning so‘zlariga ko‘ra, Anton Zabolotniy yaxshi futbolchi hisoblanadi va «Spartak»dagi muhim o‘yinchilardan biridir. Mutaxassis «Sport-Ekspress» nashriga bergan intervyusida hujumchi o‘yinga juda tayyor holda chiqqanini ta’kidladi.
U avval «Ximki» jamoasida ishlagan paytida ham Zabolotniyni taklif qilganini ma’lum qildi. Hozirga qadar Zabolotniy RPLning dastlabki ikki turida hech qanday samarali harakat amalga oshirmadi.
34 yoshli futbolchi «Ximki»dan erkin agent sifatida ketib, «Spartak»ga bepul qo‘shilgan. Uning jamoaga qo‘shilishi jamoa hujum chizig‘ini kuchaytirishga qaratilgan.
