Rossiya Premyer-ligasining dastlabki ikki turidan so‘ng yagona yetakchi “Lokomotiv” jamoasi bo‘lib qolmoqda. Bu haqida Euro-football.ru xabar berdi.
Faqatgina Moskva klubi ikki tur davomida maksimal ochko jamg‘arishga muvaffaq bo‘ldi. Rossiya terma jamoasining sobiq futbolchisi Aleksandr Mostovoy “Temiryo‘lchilar” va ularning kelajakdagi imkoniyatlari haqida fikr bildirdi.
Mostovoy Mixail Galaktionov boshchiligidagi jamoani “qorong‘i ot” deb atadi va “Lokomotiv”ning “Krasnodar”ga safardagi g‘alabasini kutmaganini ta’kidladi. Sobiq “Selta” futbolchisi amaldagi chempionlarning g‘alabasiga ishonch bildirgandi.
Mostovoy “Lokomotiv” Premyer-liga chempionatida uchlikka kirishi mumkinligini aytdi. O‘tgan mavsum boshida “Lokomotiv” yuqori o‘rinlarda bo‘lganida, Mostovoy ularning yakunda yuqori pog‘onada qolishini kutmagan.
Ammo ayni mavsumda ular yuqori uchlikka kirishga intilmoqda. Klub yaxshi transfer ishlarini amalga oshirdi, jumladan Rudenko hozirgacha ikki o‘yinda 1+2 ko‘rsatkichini qayd etdi, dedi Mostovoy “Match TV”ga bergan intervyusida.
Shu bilan birga, u hozircha ikki turdan so‘ng aniq xulosa chiqarish erta ekanligini ta’kidladi. Rossiya chempionatining uchinchi turida “Lokomotiv” safarda “Pari NN” jamoasiga qarshi maydonga tushadi.
