Samoshnikovga faqat Spartak emas, boshqa klublar qiziqmoqda

Agent Ilya Samoshnikovning vakili Aleksey Babir «Lokomotiv» jamoasining himoyachisi klubni tark etishi mumkinligi haqida fikr bildirdi. Bu haqida Euro-football.ru xabar berdi.

Eslatib o‘tilishicha, Ilya «Spartak» jamoasiga o‘tishni rejalashtirmoqda. Avvalroq futbolchi MRT apparatida tekshiruvdan o‘tgan va «qizil-oq» jamoasiga o‘tishni yakunlash ustida ishlayotgani ma’lum bo‘lgandi.

Babirning so‘zlariga ko‘ra, Ilyaga faqat «Spartak» emas, balki boshqa bir qancha klublar ham qiziqish bildirmoqda. Hozirda u «Lokomotiv» futbolchisi hisoblanadi, sog‘ayib maydonga qaytgan.

Agent ta’kidlaganidek, hozirgi bosqichda asosiy maqsad – jarohatdan keyin yaxshi jismoniy holatga erishish. Yaqinda Ilya uzoq muddatli tanaffusdan so‘ng maydonga qaytdi.

Himoyachi «Lokomotiv» va «Krasnodar» o‘rtasidagi o‘yinning ikkinchi bo‘limida maydonga tushdi. Ushbu o‘yinda «Temiryo‘lchilar» 2:1 hisobida g‘alaba qozondi.

Samoshnikovning kelajagi haqida qaror jamoa va futbolchi o‘rtasida kelishilganidan so‘ng aniqlik kiritiladi.