Yarim himoyachi Jedson Fernandes seshanba kuni kechgacha “Spartak” jamoasiga kelishi kerak. Bu haqida Euro-football.ru xabar berdi.
U “Beshiktosh”dan transfer jarayonini yakunlash uchun keladi. Agar kutilmagan holat yuz bersa, 26 yoshli Jedsonning Rossiyaga kelishi bir kun kechikishi mumkin.
Bu haqda Metaratings nashri o‘z sahifalarida ma’lum qilgan. Avvalroq Jedson transferi “Spartak” tarixidagi eng qimmat transfer bo‘lishi haqida ma’lumotlar tarqalgandi.
Hozirda “Spartak” jamoasi “Rostov”ga qarshi safarda o‘tkaziladigan o‘yinga tayyorgarlik ko‘rmoqda. 30 iyul, chorshanba kuni jamoalar Rossiya Kubogining guruh bosqichining birinchi turida maydonga tushadi.
Oxirgi ikki turda Premyer-liga doirasida “Spartak” uch ochko to‘plagan.
