Baktiyer Zaynuddinov yana Rossiya Premyer-ligasida o‘ynaydi. Bu haqida Euro-football.ru xabar berdi.
27 yoshli yarim himoyachi «Dinamo» jamoasi bilan 2029 yil yozigacha mo‘ljallangan uzoq muddatli shartnoma imzoladi. Shartnoma imzolagandan so‘ng birinchi marta fikr bildirgan Zaynuddinov poytaxt jamoasini tanlagani sababini aytdi.
U shuningdek, Premyer-liganing g‘olibi bo‘lish istagini ham bildirdi. «Dinamo» – bu katta maqsadlari bor klub, shuning uchun men shu yerda o‘ynashni tanladim.
Eng yuqori o‘rinlar uchun kurashmoqchiman. Oltin medal – mening orzum, dedi futbolchi.
Bu so‘zlar poytaxt klubining rasmiy saytida keltirilgan. O‘tgan mavsumda Qozog‘istonlik futbolchi «Beshiktosh» jamoasi safida 12 ta o‘yinda maydonga tushib, bitta assist qayd etdi.
