“Atalanta” futbol klubi yarim himoyachisi Ederson jamoa bilan yangi shartnoma imzolashi mumkin. Bu haqida Euro-football.ru xabar berdi.
Hozirda braziliyalik futbolchining amaldagi shartnomasi 2027 yilning yozigacha amal qiladi. So‘nggi oylarda Edersonga bir qator yevropalik kuchli klublar qiziqish bildirayotgani haqida xabarlar tarqaldi.
Shuningdek, uni Saudiya Arabistoniga o‘tishi mumkinligi ham aytilgan edi. “Atalanta” klubi esa 26 yoshli futbolchi bilan xayrlashishni rejalashtirmayapti.
Jurnalist Alfredo Pedulla bergan ma’lumotlarga ko‘ra, klub rahbariyati Edersonni o‘z safida saqlab qolishni va u bilan shartnomani uzaytirishni maqsad qilgan. Edersonga qiziqish bildirgan klublar orasida yaqinda “Manchester Yunayted” va “Al-Hilol” jamoalari ham tilga olindi.
Transfermarkt portali bergan baholashga ko‘ra, futbolchining qiymati 50 million yevroni tashkil etadi. Shu sababli, “Atalanta” rahbariyati uni boshqa jamoaga o‘tkazmaslik uchun barcha imkoniyatlarni ishga solmoqda.
Klub futbolchining jamoada qolishi uchun zarur shartlarni ko‘rib chiqmoqda.
