Futbolchi Bardybaxin mushtlashuv uchun sudga tortildi
Vyacheslav Bardybaxin hozirda Volgogradning Rotor jamoasida to‘p surmoqda. Bu haqida Euro-football.ru xabar berdi.
U jinoyat ishi doirasida tergovga tortilgan. Krasnoyarsk o‘lkasi prokuraturasi futbolchiga nisbatan o‘rtacha og‘ir tan jarohati yetkazish moddasi bo‘yicha ayblov xulosasi tasdiqlanganini ma’lum qildi.
Ushbu ish bo‘yicha eng ko‘p jazo uch yilgacha ozodlikdan mahrum qilishni nazarda tutadi. Mazkur voqea 2024 yil may oyida sodir bo‘lgan.
O‘sha paytda Bardybaxin Enisey jamoasida o‘ynagan. Krasnoyarskdagi “Zelenka” dam olish maskanida Bardybaxin va uning jamoadoshi Vladimir Xozin boshqa tashrif buyuruvchilar bilan kelishmovchilikka duch kelgan.
Mojaroga sportchilarning baland ovozda musiqa eshitayotganini kamaytirishni rad etgani sabab bo‘lgan. Kelishmovchilik janjalga, so‘ngra mushtlashuvga aylanib, natijada ishtirokchilardan biri boshidan og‘ir jarohat olgan.
2024 yil iyun oyida Bardybaxin Akron jamoasiga o‘tdi. 2025 yil yozida esa Rotor jamoasiga ijaraga yuborildi.
Mazkur holat yuzasidan tergov harakatlari davom etmoqda.
