“Axmat” futbolchisi Nader Gandi jamoasining joriy mavsum Rossiya chempionatida yuqori o‘rinlar uchun kurashish imkoniyatlari haqida o‘z fikrini bildirdi. Bu haqida Euro-football.ru xabar berdi.
Unga ko‘ra, “Axmat” eng kuchli beshlikdan joy olishi uchun bor kuchini sarflaydi va bu natijaga erishishga harakat qiladi. Gandi o‘z jamoasi kamida birinchi o‘ntalikka kirishi kerak, deb hisoblaydi.
Futbolchi natijaga erishish uchun har bir uchrashuvda maksimal darajada diqqatli va jips bo‘lish zarurligini ta’kidladi. Uning fikricha, oldinda turgan har bir o‘yinda jamoa to‘liq kuch bilan maydonga chiqishi lozim.
Mavsum boshida “Axmat” ikki bor mag‘lub bo‘ldi. Dastlab “Rubin”ga 0:2, keyin esa Moskva CSKA jamoasiga 1:2 hisobida yutqazdi.
Shunga qaramay, klub bugun o‘z muxlislari uchun ilk g‘alabani qo‘lga kiritish imkoniyatiga ega. Rossiya Kubogi doirasida Aleksandr Storojuk rahbarligidagi “Axmat” jamoasi “Zenit”ga qarshi maydonga tushadi.
Uchrashuv Toshkent vaqti bilan soat 20:45 da boshlanadi.
