Donnarumma yozda Yuventusga o‘tishi mumkin

PSJ futbol klubi darvozaboni Janluiji Donnarumma Turinning mashhur klubi Yuventusning qiziqish doirasida turibdi. Bu haqida Euro-football.ru xabar berdi.

Ma’lumotlarga ko‘ra, italiyalik darvozabon yozgi transfer oynasida Parij jamoasini tark etishi mumkin. Sababi, Donnarumma va PSJ rahbariyati o‘rtasida shartnomani uzaytirish borasida kelishuvga erishilmagan.

Uning amaldagi shartnomasi bir yildan so‘ng yakuniga yetadi. Shu bois, Yuventus klubi ichida Donnarummani jamoaga qo‘shib olish masalasi muhokama qilingan.

Bu haqda taniqli futbol insayderi Fabrizio Romano xabar berdi. Hozircha darvozabonning transferi bo‘yicha aniq qaror qabul qilinmagan.

Donnarumma 26 yoshda va u hali ham Yuventus radarida qolmoqda. Biroq, klub rahbariyati yangi darvozabon taklif qilishni asosiy vazifa sifatida ko‘rib chiqmayapti.

Kutilishicha, kelayotgan mavsumda Yuventusning asosiy darvozaboni sifatida Mikel di Gregorio maydonga tushadi. Shu sababli, yangi posbon sotib olish klub uchun hozircha ustuvor masala emas.