Moskvaga yaqin joylashgan “Ximki” futbol klubi ishchilari, klub professional maqomini yo‘qotib, bankrotlik jarayonini boshlagach, Rossiya sport rahbariyatiga ochiq xat bilan murojaat qildi. Bu haqida Euro-football.ru xabar berdi.
Bu haqda mahalliy ommaviy axborot vositalari xabar berdi. Xatda ta’kidlanishicha, klubda ishlagan ko‘plab xodimlar hanuzgacha ularga tegishli bo‘lgan ish haqlarini ololmagan.
Murojaat mualliflari klub rahbariyati va asosiy sarmoyador Tufan Sadigovga ishonchsizlik bildirishgan. Ular Sadigov xodimlar oldidagi majburiyatlarini bajarmayotganini, biroq yaqinda Turkiyaning “Serik Belediyespor” klubini moliyalashtira boshlaganini qayd etishgan.
Shuningdek, xatda “Ximki”dan avval ham aynan shu tadbirkor tomonidan moliyalashtirilgan “Olimp-Dolgoprudniy” klubi 2022 yilda shu kabi sxema asosida faoliyatini to‘xtatgani, litsenziya berilmagan va qarzlar to‘lanmaganini eslatishgan. Mualliflar sport vaziri, Rossiya futbol ittifoqi va professional futbol ligasi rahbarlariga murojaat qilib, nega qonunlar klub egalariga xodimlar oldidagi majburiyatlardan qochishga imkon berishini va ilgari o‘tkazilgan tekshiruvlar nega muammolarni ancha oldin aniqlamaganini so‘rashgan.
Ular bu kabi holatlarning oldi olinishi lozimligini ta’kidlashgan.
