Jhedson: Stankovich murabbiy, do‘st emasligini tushunaman
«Spartak» jamoasining yangi futbolchisi Jhedson Fernandes jamoa bosh murabbiyi Dejan Stankovich haqida o‘z fikrlari bilan o‘rtoqlashdi. Bu haqida Euro-football.ru xabar berdi.
Avvalroq Moskvaning «Spartak» klubi 26 yoshli yarim himoyachini Turkiyaning «Beshiktash» jamoasidan 20 million yevro evaziga xarid qilgani ma’lum bo‘lgandi. Jhedson Fernandes matbuot xizmatiga bergan intervyusida Stankovichni yaxshi o‘yinchi va boy tajribaga ega mutaxassis sifatida e’tirof etdi.
U shuningdek, Spartakda do‘stona murabbiy kutmasligini, Stankovich murabbiy sifatida talabchan bo‘lishini yaxshi tushunishini aytdi. Jhedsonning so‘zlariga ko‘ra, Stankovich uning do‘sti emas, balki murabbiyi bo‘ladi va u bunga tayyor.
Fernandes «Spartak» tarkibidagi debyut o‘yinini yaqin yakshanba kuni o‘tkazishi mumkin. Shu kuni Stankovich boshchiligidagi jamoa safarda «Akron» klubi bilan uchrashadi.
Uchrashuv Rossiya chempionati uchinchi turi doirasida bo‘lib o‘tadi va Toshkent vaqti bilan soat 15:30 da boshlanishi rejalashtirilgan.
