Al-Hilol Grizmannga rasmiy taklif tayyorlamoqda

Fransiyalik taniqli futbolchi Antuan Grizmann bir necha yillardan beri Madridning Atletiko jamoasi safida to‘p surmoqda. Bu haqida Euro-football.ru xabar berdi.

Hozirda u faoliyatini Ispaniyadan Saudiya Arabistoniga o‘zgartirishi mumkinligi haqida xabarlar tarqaldi. Bu haqda ishonchli manbalar ma’lum qilmoqda.

Saudiya Arabistonining Al-Hilol klubi Grizmannga qiziqish bildirmoqda. Mazkur klub bosh murabbiyi italiyalik mutaxassis Simone Indzagi hisoblanadi.

U 34 yoshli hujumchini jamoasida ko‘rishni istamoqda. Transfer uchun Al-Hilol klubi Atletikoga taxminan 20 million yevro to‘lashga tayyorligi aytilmoqda.

Transfermarkt portali esa Grizmannning hozirgi narxini 18 million yevro deb baholagan. Grizmann va Atletiko o‘rtasidagi amaldagi shartnoma 2027 yilning yozigacha mo‘ljallangan.

Futbolchi hali bir necha yil davomida Madrid klubida o‘ynashi mumkin. Shunga qaramay, Saudiya Arabistonidan kelayotgan taklif uning kelajagiga ta’sir ko‘rsatishi ehtimoli bor.

Hozircha futbolchining o‘zi bu borada rasmiy izoh bergani yo‘q.