Ekspertlar Spartak o‘yinida hakam xatosini aniqladi

Rossiya futbol ittifoqi Ekspert-sudiya komissiyasi Spartak jamoasining so‘rovi asosida Spartak va Baltika jamoalari o‘rtasidagi uchrashuvdagi ikki holatni ko‘rib chiqdi. Bu haqida Euro-football.ru xabar berdi.

Mazkur holatlar Anton Zabolotnining va Markinyosning maydondan chetlatilishi bilan bog‘liq. Birinchi holatda Ekspert-sudiya komissiyasi hakam Sergey Karasyovning VAR tizimi aralashuvidan keyin qabul qilgan qarorini to‘g‘ri deb topdi.

Komissiya Anton Zabolotnining futbol qoidalarini jiddiy ravishda buzganini aniqladi. Hakamlar bir ovozdan Spartak hujumchisi to‘pga yetib bormasdan, ochiq shippaklari bilan raqib futbolchining xavfsizligiga tahdid solganini ta’kidladilar.

Ikkinchi holatda esa komissiya bir ovozdan Sergey Karasyov tomonidan Markinyosga ikkinchi sariq kartochka ko‘rsatilganini xato, deb topdi. Komissiya aniqlashicha, qoidabuzarlik sodir etilganidan avval Baltika futbolchisi ofsayd holatida bo‘lgan.

Shu sababli hujum rivojlanishiga to‘sqinlik qilinmagan. Natijada yon hakamning xatosi asosiy hakamning ham xato qaror qabul qilishiga olib kelgan.

VAR esa o‘z protokoliga ko‘ra bu vaziyatda aralasha olmagan. Eslatib o‘tamiz, Spartak ushbu o‘yinda Baltikaga 0:3 hisobida mag‘lub bo‘ldi.