“Inter” klubi rahbariyati “Atalanta” hujumchisi Ademola Lukmanning transferi bo‘yicha kelishuvga erishishlariga ishonmoqda. Bu haqida Euro-football.ru xabar berdi.
Bergamo shahri jamoasi bungacha bildirilgan takliflarni rad etgan bo‘lsa-da, futbolchining o‘zi “Inter”ga o‘tishni istamoqda. U allaqachon Milan klubi bilan 2030 yilgacha mo‘ljallangan shartnoma shartlarini kelishib olgan.
Jurnalist Nikolo Skira ma’lumotiga ko‘ra, “Inter” rahbariyati muzokaralarda ayrim qiyinchiliklar borligiga qaramay, nigeriyalik futbolchining transferi amalga oshishiga ishonadi. Ushbu masalada yangi muzokaralar shu hafta davomida o‘tkazilishi rejalashtirilgan.
Ademola Lukman “Atalanta” tarkibida 118 o‘yinda maydonga tushib, 52 ta gol urgan va 25 marta golli uzatma bergan. Aytishlaricha, “Inter” 27 yoshli futbolchi uchun taxminan 45 million yevro to‘lashga tayyor, bu summaga bonuslar kiritilmagan.
Hozircha klublar o‘rtasida yakuniy kelishuvga erishilmagan, ammo tomonlar muzokaralarni davom ettirmoqda. Lukmanning “Inter”ga o‘tishi klub uchun muhim transfer bo‘lishi kutilmoqda.
