Aleksandr Isak jarohatdan so‘ng yana "Nyukasl" bazasida
«Nyukasl» hujumchisi Aleksandr Isak dushanba kuni ertalab klub bazasiga qaytdi. Bu haqida Euro-football.ru xabar berdi.
25 yoshli shved futbolchi son mushaklari jarohatidan tiklanish maqsadida uch yarim soat davomida maxsus mashg‘ulotlar o‘tkazdi. Bu haqda Sky Sports jurnalisti Kit Dauni ijtimoiy tarmoqlarda xabar berdi.
Avvalroq Isak «Nyukasl» joylashuvini tark etgani, bir muddat o‘zining sobiq jamoasi – «Real Sosyedad» bazasida shug‘ullangani ma’lum bo‘lgandi. Bu voqealar fonida Isakning «Liverpul» klubiga o‘tishi mumkinligi haqida turli mish-mishlar tarqalgan edi.
So‘nggi kunlarda matbuotda «Liverpul» Isak transferi bo‘yicha «Nyukasl»ga yangi taklif kiritishi mumkinligi haqida xabarlar paydo bo‘ldi. Biroq, bu taklif «Nyukasl» o‘z safini yangi hujumchi bilan to‘ldirgach amalga oshirilishi kutilmoqda.
Hozircha Isak sog‘lig‘ini tiklash bilan band va uning kelajagi borasida aniq ma’lumot yo‘q. Klub vakillari ushbu masalada rasmiy izoh bermadi.
