"Brayton" klubi yarim himoyachisi Karlos Baleba "Manchester Yunayted" jamoasini qiziqtirmoqda. Bu haqida Euro-football.ru xabar berdi.
Ma’lumotlarga ko‘ra, "qizil iblislar" vakillari 21 yoshli futbolchining atrofidagilar bilan bevosita bog‘langan. Ichki manbalarga tayanib, Karlos Baleba "Manchester Yunayted" safida to‘p surishga ochiqligini bildirgan.
Klub rahbariyati futbolchi bilan shartnoma shartlarini muammosiz kelishib olish mumkin, deb hisoblamoqda. Biroq "Brayton" jamoasi yosh va istiqbolli futbolchini sotishga tayyor emas.
Klub Balebani asosiy tarkib futbolchisi sifatida ko‘radi va uni boshqa jamoaga o‘tkazishga rozi bo‘lmayapti. Transfermarkt saytida Karlos Balebaning narxi 40 million yevro deb ko‘rsatilgan.
O‘tgan mavsumda u "Brayton" safida barcha musobaqalarda 40ta o‘yinda maydonga tushib, 4ta gol urdi va 2ta golli uzatma amalga oshirdi. Klub uchun muhim futbolchi hisoblangan Baleba, hozircha "Brayton"ni tark etish ehtimoli yuqori emas.
"Manchester Yunayted" esa muzokaralarni davom ettirish niyatida.
