Rossiya terma jamoasining sobiq futbolchisi Roman Pavlyuchenko Premyer-liganing shanba kuni bo‘lib o‘tadigan “Axmat” va “Zenit” o‘rtasidagi o‘yini natijasiga o‘z prognozini bildirdi. Bu haqida Euro-football.ru xabar berdi.
Uning fikricha, Sergey Semak boshchiligidagi “Zenit” jamoasining g‘alaba qozonish imkoniyati yuqori. Pavlyuchenko “Axmat”da hozirda muammolar ko‘pligini, jamoa bir necha mag‘lubiyatga uchraganini va yaqinda bosh murabbiy ham o‘zgarganini ta’kidladi.
Shu sababli u “Zenit”ning yirik hisobda g‘alaba qozonishini kutayotganini aytdi. Ma’lumki, yaqinda “Axmat” jamoasida bosh murabbiy lavozimiga Stanislav Cherchesov tayinlandi.
U bu lavozimda Aleksandr Storojukni almashtirdi. Aleksandr Storojuk boshchiligida “Axmat” jamoasi mavsum boshida ketma-ket to‘rtta o‘yinda mag‘lub bo‘ldi.
Endilikda jamoa yangi murabbiy bilan o‘z o‘yinini yaxshilashga harakat qilmoqda. “Axmat” va “Zenit” o‘rtasidagi uchrashuv 9-avgust kuni soat 20:30 da boshlanadi.
Uchrashuv tafsilotlarini matnli ko‘rinishda kuzatib borishingiz mumkin.
