Nikolas Jekson Chelsidan ketishni rasmiy so‘radi

Juma kuni kechqurun Londonning "Chelsi" jamoasi yangi mavsumga tayyorgarlik doirasida "Bayer" jamoasiga qarshi o‘rtoqlik uchrashuvi o‘tkazadi. Bu haqida Euro-football.ru xabar berdi.

Ushbu o‘yinda "Chelsi" hujumchisi Nikolas Jekson tarkibga kiritilmadi. Daily Mail nashrining xabar berishicha, 24 yoshli Nikolas Jekson rasmiy tarzda klub rahbariyatiga transfer masalasini ko‘rib chiqish istagini bildirgan.

Hozirda "Chelsi" bir nechta klublar bilan muzokaralar olib bormoqda. Transfermarkt portali ma’lumotiga ko‘ra, Nikolas Jeksonning transfer qiymati 50 million yevroga baholanmoqda.

Senegal terma jamoasi futbolchisi "Chelsi" safida 81 ta rasmiy o‘yinda maydonga tushib, 30 ta gol urgan va 12 ta golli uzatmani amalga oshirgan. Eslatib o‘tamiz, Nikolas Jekson o‘tgan mavsumda ham asosiy tarkib futbolchilaridan biri bo‘lib, jamoaning muhim o‘yinlarida ishtirok etgan.

Hozircha uning qaysi klubga o‘tishi noma’lum bo‘lib qolmoqda. Klub vakillari va futbolchi o‘rtasidagi muzokaralar davom etmoqda.