Korshunov: Stankovichga yana vaqt berish kerak
Sobiq futbolchi Anatoliy Korshunov Dejan Stankovichning ehtimoliy isteʼfosi haqida oʻz fikrini bildirdi. Bu haqida Euro-football.ru xabar berdi.
Ommaviy axborot vositalari xabariga koʻra, Moskvaning “Spartak” jamoasi bosh murabbiyi lavozimidan ozod etilishi mumkin. Anatoliy Korshunovning taʼkidlashicha, murabbiyni ishdan olish eng oson yoʻl hisoblanadi.
Unga koʻra, Dejan Stankovichga vaziyatni yaxshilash uchun yana ozroq vaqt berish kerak. Korshunovning fikricha, Stankovich ilgari ham nufuzli jamoalarda ishlagan va oʻzini yaxshi murabbiy sifatida koʻrsata olgan.
Shu sababli, jamoa ichidagi muammolarni aniqlab, ularni hal qilishga harakat qilish lozim. Agar serbiyalik mutaxassis haqiqatan ham isteʼfoga chiqarilsa, Korshunov “Spartak” bosh murabbiyligiga aynan rossiyalik mutaxassis kelishini istashini taʼkidladi.
Maʼlumot uchun, 16-avgust kuni “Spartak” jamoasi “Zenit” bilan “Lukoyl Arena” stadionida uchrashadi. Bu oʻyin jamoa uchun muhim sanaladi va murabbiylar shtabining kelajagiga ham taʼsir koʻrsatishi mumkin.
