"Dinamo" jamoasining hujumkor yarim himoyachisi Denis Makarov Rossiya oliy ligasining to‘rtinchi turida "Sochi"ga qarshi safarda o‘tkazilgan uchrashuvda o‘zini yaxshi ko‘rsatdi. Bu haqida Euro-football.ru xabar berdi.
Futbolchi nafaqat gol urdi, balki boshqa hujumkor harakatlarda ham faol ishtirok etdi. Makarov jami besh marta darvozaga zarba berdi va besh marotaba jamoadoshlariga gol urish uchun qulay pas uzatdi.
Shunday qilib, Makarov "Dinamo"ning o‘nta hujum harakatida qatnashdi. Bu futbolchining faoliyatidagi eng samarali o‘yini bo‘ldi, deb xabar beradi Opta.
Bungacha Makarov eng yaxshi natijasiga 2020 yilda "Rubin" safida maydonga tushganida erishgan va to‘qqizta hujumda ishtirok etgan edi. Ma’lumki, "Dinamo" safarda "Sochi"ni mag‘lub eta olmadi.
Uchrashuv 1:1 hisobida durang natija bilan yakunlandi.
