OAV Moskvaning Spartak futbol klubi bosh murabbiyligi lavozimiga yana bir nomzodning ismini e’lon qildi. Bu haqida Euro-football.ru xabar berdi.
Avvalroq, joriy bosh murabbiy Deyan Stankovich yaqin vaqt ichida iste’foga chiqarilishi mumkinligi haqida xabarlar tarqalgan edi. Sport-Ekspress nashri jurnalisti Maksim Allanazarovning ma’lumotiga ko‘ra, poytaxt jamoasini sobiq futbolchi Albert Riera boshqarishi ehtimoli bor.
U hozirda Sloveniya chempionatida ishtirok etayotgan Tselee klubini boshqarib kelmoqda. Bundan tashqari, Spartak klubining bosh murabbiyligiga Krasnodar jamoasining sobiq ustozi Vladimir Ivich ham nomzod sifatida ko‘rilmoqda.
Bu haqda ham OAVda ma’lumotlar chiqqan. Ma’lumki, Rossiya Premyer-ligasining to‘rtinchi turida Spartak jamoasi Lokomotivga 2:4 hisobida mag‘lub bo‘ldi va hozirda turnir jadvalida 11-o‘rinda bormoqda.
Klub rahbariyati natijalardan norozi ekani, murabbiylar shtabida o‘zgarishlar bo‘lishi mumkinligi ta’kidlanmoqda. Spartakning yangi bosh murabbiyi kim bo‘lishi yaqin kunlarda ma’lum bo‘ladi.
