Nufuzli nashrning bashoratiga ko‘ra, yangi mavsumda Arne Slot boshchiligidagi “Liverpul” futbol klubi Angliya chempionligini saqlab qoladi. Bu haqida Euro-football.ru xabar berdi.
“Arsenal” jamoasi yana ikkinchi o‘rinni egallaydi, uchinchi pog‘onani esa “Manchester Siti” band etadi. To‘rtinchi o‘ringa “Chelsi” chiqadi, beshinchi o‘rinni “Nyukasl” oladi, oltinchi o‘rinda esa “Tottenhem” joylashadi.
Yettinchi pog‘ona “Aston Villa”ga nasib etadi, Ruben Amorim boshqaruvidagi “Manchester Yunayted” esa sakkizinchi o‘rinda bo‘ladi. Prognozga ko‘ra, oliy divizionni tark etadigan jamoalar – “Sanderlend”, “Vulverhempton” va “Bernli” bo‘ladi.
“Lids” esa 17-o‘rinni egallab, Premer-ligada qolishga muvaffaq bo‘ladi. Ma’lumot uchun, Angliya Premer-ligasining yangi mavsumi bir haftadan kam vaqt ichida boshlanadi.
Chempionlik unvonini himoya qilish vazifasi “Liverpul”ga yuklatilgan. Shuningdek, yakshanba kuni Angliya Superkubogi uchun o‘tkazilgan uchrashuvda “Kristal Pelas” jamoasi penaltilar seriyasida “Liverpul” ustidan g‘alaba qozondi.
Asosiy vaqt 2:2 hisobida yakunlangan edi.
