Savio “Tottenhem”ga o‘tishga rozilik bildirdi
“Manchester Siti” klubi futbolchisi Savio “Tottenhem” jamoasiga o‘tishga tayyor. Bu haqida Euro-football.ru xabar berdi.
Hozirda aynan “Tottenhem” braziliyalik yosh futbolchini o‘z safiga qo‘shib olish bo‘yicha asosiy da’vogar hisoblanmoqda. 21 yoshli Savio bu imkoniyatdan mamnun va London klubiga ko‘chib o‘tishni ijobiy baholamoqda.
Uning asosiy maqsadi muntazam tarzda asosiy tarkibda maydonga tushishdir. Bu haqda taniqli jurnalist Fabrisio Romano xabar bermoqda.
Romano, shuningdek, futbolchi va “Tottenhem” o‘rtasida shartnoma shartlari bo‘yicha kelishuv muammosiz amalga oshishini ta’kidlaydi. Braziliyadagi manbalar ham shu ma’lumotni tasdiqlamoqda.
Ularning so‘zlariga ko‘ra, Savio milliy terma jamoada o‘z o‘rnini yo‘qotishdan xavotirda. Shu sababli, u “Tottenhem” safida o‘zini ko‘rsatish uchun ko‘proq imkoniyat bo‘lishiga ishonmoqda.
Avvalroq “Manchester Siti” klubi Savioni 60 million funt sterling (taxminan 70 million yevro) evaziga sotishga tayyor ekani haqida xabarlar tarqalgan edi. Hozirda futbolchining kelajagi bo‘yicha muzokaralar davom etmoqda.
